Xatirələr

Getmək istəyirəm uzaqlara mən,

Orda bulud kimi boşalım, dolum.

Sakit bir yerdə sadə bir həyat

Yaşayım sakitcə, tək-tənha qalım.

Bəlkə də deyirsən, dəli olmuşam,

Narahatsan, görən, mənə nə olub?!

Susqun baxışlarda itib gedərsən,

Gedərsən, bilməzsən yenə nə olub?!

Hər şeydən bezəndə sənə dönərəm,

Üşüyər baxışın buz heykəlimdə.

Təkliyi yaşat mənə, qoy sənsiz qalım,

Bircə xatirələri alma əlimdən.

Lalə İSMAYILOVA

525-ci qəzet.- 2016.- 16 yanvar.- S.28