Dədə Şəmşir ruhunun və işığının daşıyıcısı

Vətəni, xalqı üçün yaşayan, yaradan ağsaqqal ziyalılarımızdan biri də Dədə Şəmşir nurunun və  ruhunun daşıyıcısı Qənbər Şəmşir oğludur.

Qənbər müəllim 1933-cü il noyabr ayının 16-da Kəlbəcər rayonunun Ağdaban kəndində dünyaya gəlib. O, 1950-ci ildə Yanşaq kənd orta məktəbində təhsil aldıqdan sonra bir il kəndli-gənclər kursunda işləyib, 1951-ci ildə isə iki illik Ağdam dövlət müəllimlər institutunda Azərbaycan dili ədəbiyyatı fakültəsinə daxil olub. 1953-cü ildə həmin institutu bitirərək Kəlbəcər rayon Ağdaban kənd yeddiillik məktəbində müəllim, 1957-ci ildən isə həmin məktəbin direktoru işləyib. 1957-1958-ci illərdə Kəlbəcər rayon Partiya komitəsində təbliğat-təşviqat şöbəsinin müdiri vəzifəsində çalışıb. 1958-ci ildə Bakı Ali Partiya məktəbinə göndərilib. 1961-ci ildə qiyabi yolla N.Tusi adına institutu, 1964-cü ildə isə Sovet İttifaqı Kommunist Partiyası yanında Ali Partiya məktəbini bitirib. 1960-1966-cı illərdə Ağdaban səkkizillik məktəbində direktor, 1966-1971-ci illərdə Kəlbəcər qəsəbə orta məktəbində direktor, 1971-1974-cü illərdə Kəlbəcər RPK-nın ikinci katibi, 1974-1988-ci illərdə Kəlbəcər RİK-in sədri, 1989- 1991-ci illərdə Gədəbəy RİK-in sədri, 1991-1992-ci illərdə Gədəbəy rayon İcra Hakimiyyətinin başçısı, 1993-cü ildə Azərittifaqda baş müşavir, 1993-1994-cü illərdə Kəlbəcər rayon İcar Hakimiyyətinin başçısı işləyib. Uzun müddət dövlət fəaliyyətində səmərəli çalışdığına görə Qənbər müəllim "Şərəf nişanı" ordeni, "Əmək igidliyinə görə" "Əmək veteranı" medalları ilə təltif  edilmişdir.

Qənbər müəllimin sədirlik etdiyi "Aşıq Şəmşir" Mədəniyyət Ocağı İctimai Birliyi 29 yanvar 2010-cu ildə Azərbaycan Respublikasının Ədliyyə Nazirliyində qeydiyyata alınmışdır. Onun rəhbərlik etdiyi "Aşıq Şəmşir" Mədəniyyət Ocağı İctimai Birliyi yarandığı gündən mədəniyyətimizin incəsənətimizin, milli-mənəvi dəyərlərimizin, aşıq sənətinin qorunub yaşadılması digər sahələr üzrə ölkə daxi-lində xaricdə müxtəlif tədbirlər həyata keçiribdir. "Aşıq Şəmşir" Mədəniyyət Ocağı İctimai Birliyi "Unudulmaqda olan xalq sənəti nümunələrinin təbliği", "Ustadnamələr - milli dəyərlərimizin əlifbasını birgə oxuyaq" "Azərbaycan-Türkiyə milli birliyinin simvolu - ozan-aşıq sənəti" sair onlarla layihələri həyata keçirmişdir. Layihələr çərçivəsində milli folklor oyunlarımız olan Kilimarası Maraloyunu geniş ictimaiyyətə təbliğ edilmiş, bukletlər şəklində çap edilib vətəndaşlara paylanmış bunun əsasında qısametrajlı filmlər hazırlanmışdır.

Qənbər müəllimin birbaşa rəhbərliyi altında təşkilat Ulu Öndərimiz Heydər Əliyevin irsinin öyrənilməsi gənc nəslə aşılanması ilə bağlı mütəmadi olaraq silsilə tədbirlər həyata keçirmişdir. Təşkilat həmçinin, Qənbər Şəmşiroğlunun təşəbbüsü əsasında Azərbaycan şair yazıçılarının, elm ədəbiyyat xadimlərinin kitablarının nəşr etdirib ictimaiyyətə təqdim etmişdir. O, Azərbaycan Yazıçılar Birliyinin üzvü Respublika Ağsaqqallar Şurası Rəyasət heyətinin üzvü, onlarla kitabın müəllifidir: "Gədəbəy xatirələri", "Axtarıb Şəmşiri görmək istəsən", "Oğul gərək oğul olsun",  "Bütövləşmək istədim", "Elzanın Okanı", "Qənbər Şəmşiroğlu-75: Ömrün işıqlı anları", "Tale oxşarlığı", "Qənbər Şəmşiroğlu: Dostlar unutmaz məni", "Əmioğluların əməlləri", "Bir görüşərik...", "Kəlbəcər: ömrüm, həyatım", "Sxojest sudeb" - "Oxşar talelər" (rus dilində), "Prodelki rodstvenniçkov" - "Qohumların əməlləri" (rus dilində), "Trisks of relatives" - "Qohumların əməlləri" (ingilis dilində), "Salehli səfərlər", "Hələ yerindədir, vurur ürəyim", "Caninin etir-afı", "Birdə görüşərdik". Həmçinin, Qənbər müəllimin iki kitabı İran İslam Respub-likasında nəşr olunmuşdur. Qənbər müəllimin nəzm, nəsr əsərlərindən başqa müxtəlif illərdə müxtəlif mətbuat orqanlarında nəşr olunmuş bir-birindən maraqlı onlarla elmi-publisistik, ədəbi-bədii yazıları dərc olunub. Həmin mətbuat orqanlarına "Dünya" qəzetini, "Yeni bəşər" qəzetini, "Yenilik" qəzetini, "525-ci qəzet"i başqa qəzet jurnalları nümunə göstərmək olar.

Qənbər müəllim Dədə Şəmşir dünyasını dəyişən-dən (1980) sonra, ulu babası XVI əsrin sufi şairi, övliya Miskin Abdal ocağının, o mənəvi ocağın davamı olan Dədə Şəmşir yurdunun varisi, Miskinli Ocağının ağsaqqalı oldu.

Dastan məclisində, el məclisində

Söz sərrafı olan dədəmi gəzdim....

Onun ulu babalarından süzülüb gələn yaradıcılıq bulağını öz ilhamı ilə qurumağa qoymamış, yaratdığı gözəl şeir nümunələri - qoşmalar, qəzəllər, gəraylılarla bu bulağın suyunu daha da gur etmişdir. Onun şeirlərində həyata, insana, təbiət gözəlliklərinə, ailə dəyərlərinə yüksək sevgi ehtiramla yanaşı, dərin bir həsrət, doğma ocaq dərdi Kəlbəcər nisgili vardır:

Xalısı var, xalçası var, xalı var,

Bəzənibdi çəmən, çiçəyə dağlar.

Meh tərpədib, sığallayıb telini,

Oxşayır qənirsiz göyçəyə dağlar.

Qənbər müəllim həm öz övladlarına, həm cəmiyyətimizdə layiqli yerini tutmaq istəyən gənclərimizə böyük qayğı diqqət göstərmiş, əsl ağsaqqal nəsihəti vermişdir. Hörmətli ziyalımız Qənbər müəllim Qənbər Şəmşiroğlu imzası ilə bu gün yazıb yaratmaqdadır. Qənbər müəllimin müəllifi olduğu kitablardan digər şeirlər kitablarını nümunə göstərmək olar.

Yurd həsrətini daima qəlbində daşıyan, həyatın minbir çətinliyinə sinə gərən Qənbər Şəmşiroğlu öz yaradıcılığında təpədən-dırnağa vətənin haqq aşiqidir. Bir zaman zirvəsindən atla keçdiyi dağların indi yurdunun qabağına çəkilən divar olduğunu duyan qəlbinə hər addımında o torpaqlara qovuşmaq ümidini itirməmişdir.

Şahdağdan üz tutub Murova baxdım,

Bu dağdan o dağa salamlarım var.

Kəpəzin o üzü gözəl diyarda,

Düşmən tapdağında qalanlarım var.

Qənbər müəllim ömrünün bu ahıl, müdrik çağında bizlər üçün böyük mənəvi sərvət yaratmışdır. Bizlərin əsas işi isə Qənbər müəllim kimi ağsaq-qallarımızı, ziyalılarımızı dərindən öyrənmək onun irsinə bir azərbaycanlı kimi sahib çıxmaqdır.

Qənbər müəllim bu gün öz kamillik yaşında da "Aşıq Şəmşir" Mədəniyyət Ocağı İctimai Birliyinin sədri kimi Kəlbəcər rayonunun respublikanın ictimai-siyasi həyatında fəaliyyətini davam etdirir, Respublikamızda həyata keçirilən kütləvi-mədəni sosialyönümlü tədbirlərdə yaxından iştirak edir, sosial qayğıya ehtiyacı olan insanlara maddi, mənəvi yardımçı olur, qaçqın məcburi köçkünlərin, şəhid, əlil, aztəminatlı ailələrin tələbə gənclərin sosial problemlərinin həllində, yaşayış şəraitlərinin yaxşılaşdırılmasında yaxından iştirak edir.

Azərbaycanın sosial-iqtisadi inkişafındakı xidmətlərinə görə Qənbər müəllimin əməyi Möhtərəm Prezidentimiz Cənab İlham Əliyev tərəfindən yüksək dəyərləndirilib, 18 oktyabr 2011-ci ildə "Tərəqqi" medalı ilə təltif olunub.

Əzizimiz Qənbər müəllim, bu gün Sizin 85 yaşınız tamam olur. Sizi səmimi qəlbdən təbrik edir, Ulu Tanrıdan  can sağlığı, uzun ömür, işlərinizdə uğurlar arzulayırıq. Arzu edirik ki, İnşallah gələn ad gününüzü doğma torpağımızda, Dədə Şəmşir ocağında Kəlbəcərimizdə keçirək.

Rübabə ŞİRİNOVA

AMEA M.Füzuli adına Əlyazmalar İnstitutu fəlsəfə üzrə fəlsəfə doktoru, dosent

525-ci qəzet.-2018.-15 noyabr.-S.7.