Sənət sevdası

Keçən həftənin cümə günü şair, tərcüməçi həmkarım Səyavuş Məmmədzadənin telefon zəngi gözlənilməz olmadı, amma təklifi məni bir qədər düşündürdü: "Bazar günü Elmira Axundova xəstəyə baş çəkməyə gələcək, sən də gəlsən, şad olardım".

Dedim ki, əvvəla, siz xəstə deyilsiniz... Dərhal sözümü kəsdi: "Əgər insan aylarla ikinci mərtəbədən birinci mərtəbəyə düşə bilmirsə, ayaqları torpağa dəymirsə, bəs bunun adı nədi?" Eynini açmaq üçün zarafat etmək qərarına gəldim: "Yaxşı, buna deputatla xalqın görüşü demək olar?"

- Nə ad qoyursan, qoy, - dedi, - amma sən də gəl.

Beləliklə, bazar günü, səhər saat on birə işləmiş qələm dostumun Azadlıq prospektindəki mənzilində idim. Xoş-beşdən sonra soruşdu: "Notbuku gətirmisən?" "Gətirmişəm". "Elmiraya neçə il qabaq bir şeir həsr etmişdim, Salıb yeni kitabına. Mən də yeni gözlə oxudum, xoşuma gəldi, çevirdim Azərbaycan dilinə, bəlkə yazıb göndərək "525"ə?".

Məmməd ORUC

525-ci qəzet.- 2019.- 7 fevral.- S. 6.