Milli Kitabxanada Abbasqulu ağa Bakıxanovla bağlı sərgi

İyunun 21-də Milli Kitabxanada Azərbaycanın ictimai-mədəni fikir tarixinin görkəmli nümayəndəsi, böyük maarifçi, tanınmış alim və şair Abbasqulu Bakıxanovun (Qüdsi) anadan olmasının 225 illiyi münasibətilə "Abbasqulu ağa Bakıxanov - 225" adlı kitab sərgisi təşkil edilib.

AZƏRTAC xəbər verir ki, sərgidə ədibin Azərbaycan və xarici dillərdə nəşr olunmuş əsərləri, haqqında olan kitablar, qəzet və jurnal məqalələri nümayiş olunur.

Sərgi bir həftə davam edəcək.

525-ci qəzet.- 2019.-22 iyun.- S.11.