İçərişəhərdə keçirilən "Qış Qalası" festivalı başa çatdı

İçərişəhərdə dekabrın 15-dən start götürən yeni il festivalı - "Qış Qalası" başa çatıb.

"İçərişəhər" Dövlət Tarix-Memarlıq Qoruğu İdarəsindən bildirilib ki, festival müddətində paytaxt sakinləri və qonaqları Qoşa qala meydanında müxtəlif növ suvenir, əl işləri və digər bayram atributlarının satışı üçün nəzərdə tutulan "Qış Qalası" çadırlarını ziyarət ediblər.

Həmçinin, ziyarətçilər Qoşa qala meydanında yeni il festivalı münasibətilə təşkil olunan konsert proqramından zövq alıb və bir sıra viktorinaların iştirakçısı olublar.

Festival paytaxt sakinləri və qonaqları tərəfindən böyük maraqla qarşılanıb.

525-ci qəzet 2019.- 8 yanvar.- S.8.