"Yeddi gözəl"in səhnə həyatından bəhs edən kitab

Mədəniyyət Nazirliyi tərəfindən nəşr olunmuş Qara Qarayevin "Yeddi gözəl" baleti. Səhnə həyatının tarixi" adlı kitab (rus dilində) sənətsevərlərin ixtiyarına verilib.

Nazirlikdən bildirilib ki, sənətşünaslıq üzrə fəlsəfə doktoru Natalya Dadaşovanın müəllifi olduğu kitabda "Yeddi gözəl" baletinin premyeradan günümüzə qədər səhnə həyatı təsvir edilir, tanınmış balet ustaları, dirijorlar, rəssamlar haqqında məlumatlar, həmçinin, səhnə əsəri ilə bağlı ötən illərdə çap olunmuş afişalar, proqramlar, tamaşalardan fotolar təqdim olunur.

"Şərq-Qərb" Nəşriyyatında yüksək poliqrafik keyfiyyətlə çap edilmiş kitab nazirliyin tabeliyində olan qurumlara və kütləvi kitabxanalara paylanılacaq.

525-ci qəzet 2019.- 8 yanvar.- S.7.