VƏTƏN

Vətəndən, yurddan bezənlər deməsin var Vətənim!

Yalnız səhv, nöqsan sezənlər deməsin var Vətənim!

Şuşa - külli Qarabağ, Şuşa - Xarı bülbül imiş

O çiçəkdən əl üzənlər deməsin var Vətənim!

Borc və xərc içrə batanlar hələ boldursa əgər,

Yağ və bal içrə üzənlər deməsin var Vətənim!

Vətən uğrunda gərək qan axıdıb tər tökəsən

Kef qurub "şər su" süzənlər deməsin var Vətənim!

Qılıncın kəsdiyi Qordi düyünüymüş Qarabağ

Qeyri yollarla çözənlər deməsin var Vətənim!

Torpaq altında şəhid ordusu yatmırsa əgər

Torpaq üstündə gəzənlər deməsin var Vətənim!

Bilir imanı olan - yurd sevgisi imandandı,

İmana dodaq büzənlər deməsin var Vətənim!

İRƏLİ!

Səsləyir Vətən səni, səfərbər ol, Vətən oğlu,

Sənədir etibarı, mötəbər ol, Vətən oğlu

Fərqi yox sıravi ol, ya rəhbər ol, Vətən oğlu

Rəbbinlə, rəhbərinlə bərabər ol, Vətən oğlu,

Hücum, ancaq hücumdur indi günün tək əməli

Ali Baş Komandanın əmri ilə tam irəli!

Düşmən onsuz da bizə başqa bir yol qoymayıbdır,

Otuz ildir barışa məhəl və qol qoymayıbdır.

Ordudan qeyriyə bu səhnədə rol qoymayıbdır,

Gizli olsun, ya açıq, özgə parol qoymayıbdır,

Başa düşmür o köpək dəyənəkdən başqa dili,

Əsgər, ancaq irəli!

Ey Vətən qazisi, qalx, qəzavətin mübarəkdir,

Unutma o pak Quranı, tilavətin m

übarəkdir,

Qan uddur qaniçənə, ədavətin mübarəkdir,

Qurbansız yox qələbə, səxavətin mübarəkdir,

Cana cənnətdir əvəz, başqa bunun yox bədəli,

Əsgər, ancaq irəli!

Düşməndən gəldi yenə atəşkəsə "atəş" əmri,

Hər cavab zərbəsində barıtdan çox behişt ətri,

Yetər öz ölkəsində millətimin qürbət əsri,

Yurda sipər olan hər əsgərin Ərşdəndir əcri

Şığı aslan kimi, üstündədir Allahın əli,

Əsgər, ancaq irəli!

Elə vur düşməni, bir güllə boşa çıxmasın qoy,

Elə əz, tapdala ki, bir də başa çıxmasın qoy,

Ermənistan-Qarabağ ismi qoşa çıxmasın qoy,

Payız hərb mövsümüdür, düşmən qışa çıxmasın qoy,

Yazılır tarixə yalnız qan ilə zəfər ili,

Əsgər, ancaq irəli!

Zəngin olsun ya fağır, alim olsun ya tələbə,

Köklənib eyni hava üstə bugün hər təbəqə,

Etməyir qane bizi bir neçə kənd ya qəsəbə,

Qələbə istəyir xalq, tam, qəti və haqq qələbə,

Fərqi yox ilk qurtulan Ağdərədir, ya Füzuli,

İrəli, qurtuluş qartalları, ancaq irəli!

Altay CƏMİL

525-ci qəzet.- 2020.- 10 oktyabr.- S.23.