Zəfər bizim zəfərdi

Qəhrəman şəhid zabitimiz Səid Nofəloğlunun ölümsüzlüyünə

Yadlar əyləyə bilməz,

kəhər, bizim kəhərdi.

Özgələri götürməz

yəhər, bizim yəhərdi.

Qaranlığı qaçılan,

işıq kimi saçılan,

ağ günlərə açılan,

səhər, bizim səhərdi.

Orda bizi səsləyən,

yolumuzu süsləyən,

hər an bizi gözləyən

şəhər, bizim şəhərdi.

İgid oğullar ilə,

neçə uğurlar ilə,

Yayılsın eldən-elə

zəfər, bizim zəfərdi!

Elçin İSGƏNDƏRZADƏ

525-ci qəzet.- 2020.- 29 oktyabr.- S.14.