Elçin Hüseynbəylinin peterburqlu oxucularla virtual görüşü

İyunun 30-da Sankt-Peterburqun Mayakovski adına kitabxanası Azərbaycanın tanınmış yazıçı-dramaturqu, Əməkdar incəsənət xadimi, AYB sədrinin müşaviri Elçin Hüseynbəyli ilə oxucuların onlayn görüşünü keçirib.

Bu barədə Sankt-Peterburqda yaşayan azərbaycanlı yazar, layihənin Azərbaycan üzrə əlaqələndiricisi olan şərqşünas-türkoloq Şahnaz Kamal məlumat verib.

"Oxuyan Piter" layihəsi çərçivəsində baş tutan tədbirə Rusiyanın müxtəlif şəhərlərindən, Türkiyə və Azərbaycandan da iştirakçılar qatılıb.

Söhbət əsasən E.Hüseynbəylinin "Oxuyan Piter" müsabiqəsinə təqdim olunmuş "Şaqi komandora, ili 141 pervıy Don Juan" ("141-ci Don Juan") əsəri və yazıçının yaradıcılığı üzərində qurulub.

İki saata yaxın davam edən görüşdə yazıçı həyat və yaradıcılığı ilə bağlı oxucuların və ədəbiyyat mütəxəssislərinin çoxsaylı suallarına cavab verib.

525-ci qəzet.- 2021.- 2 iyul. S. 9.