104 yaşlı qalib Azərbaycan
Ordusu
Hər dövlətin
gücü həm onun iqtisadiyyatı, həm də ordusu ilə bağlıdır. İqtisadi baxımdan güclü
olan müstəqil Azərbaycanın ordusu da güclüdür.
104 il əvvəl
Azərbaycan Demokratik Cümhuriyyəti dövründə
yaranan, formalaşan ordumuz tarixin müxtəlif dönəmlərində
gücü ilə fərqlənən ordulardan
olub. Fərqlənib və dövlətçiliyin
qarantı olub. Tarix xəyanətə uğrayana kimi...
1991-ci il oktyabrın
18-də dövlət müstəqilliyi
haqqında Konstitusiya Aktı qəbul edildi. Bu, Azərbaycanın
müstəqillik sənədi
oldu. Müstəqil Azərbaycanın dövlət atributları
təsis edildi, ordusu yaradıldı.
Bu ordu həm
də Azərbaycanın
ərazilərindən ərazi
qopartmaq istəyən
Emənistanla döyüşə-döyüşə
formalaşırdı. Bu dövr Ermənistanın
Azərbaycanda apardığı
ədalətsiz, işğalçılıq
müharibəsi dövrü
idi. Ərazi ozünümüdafiə taborları, milislər, xalq təcavüzə qarşı döyüşürdü.
Birinci Qarabağ müharibəsi ordunun formalaşması dövrünə
təsadüf etmişdi...
Həmin vaxtlarda Azərbaycanda separatçılıq yaranmışdı, dövlətçilikdə səriştəsizlik hökm sürürdü, milli qarşıdurmalar cəmiyyətdə olduqca qorxulu bir vəziyyət yaratmışdı. Bu vəziyyət vətəndaş qarşıdurmasına səbəb ola bilərdi. Yaranmış vəziyyət Ermənistanın Azərbaycanın ərazisinin 20 faizini işğal etməsinə səbəb olmuşdu...
Xalq təkidlə böyük tarixi şəxsiyyət Heydər Əliyevi hakimiyyətə dəvət etdi. Heydər Əliyev Bakıya gəldi. Təmkini, Azərbaycana sevgisi, azərbaycançılığı hesabına yaranmış vəziyyətin gərginləşməsinin qarşısını aldı, Sürət Hüseynova tabe olan qüvvələrin dövlətçiliyə problem yaratmasına imkan vermədi. Təhlükə sovuşdu...
Xalq Bakıya qayıtdıqdan sonra Azərbaycan Ali Sovetinin sədri seçilmiş Heydər Əliyevi yekdilliklə Azərbaycan Respublikasının Prezidenti seçdi. Bu seçim Azərbaycanın dövlətçiliyini birmənalı şəkildə xilas etdi.
Ulu öndər digər sahələrlə bir sırada ordu quruculuğunu da gərəkli səviyyədə inkişaf etdirirdi. Qısa müddətdə ərazi özünümüdafiə taborlarını ləğv etdi, orduda vahid komandanlıq yaratdı. Bunlar Azərbaycan Ordusunun nizami ordu kimi formalaşmasının başlanğıcı idi.
Ordu quruculuğu müxtəlif amillərlə bağlıdır. Böyük tarixi şəxsiyyət, Azərbaycan Respublikasının Prezidenti, Ali Baş Komandan Heydər Əliyev ön xətdə, səngərlərdə əsgər və zabitlərə məsləhətlər, tövsiyələr verir, xidmətdə fərqlənənləri bilavasitə səngərdə təltif edirdi. Bu, şəxsi heyətin mənəvi-psixoloji hazırlığını yüksəldir, döyüş əzmini, qələbə ruhunu artırırdı.
Ulu öndər Heydər Əliyevin hakimiyyətə qayıdışından sonra ordumuzda və xalqımızda qələbəyə qəti inam yaranmışdı. Dahi şəxsiyyətin çağırışı ilə genişmiqyaslı səfərbərlik keçirilmişdi, hərbi hissələr tam komplektləşdirilmişdi.
1993-cü ilin yanvarın 5-dən 6-na keçən gecə Ali Baş Komandan Heydər Əliyevin sərkərdəliyi ilə Azərbaycan Ordusu Horadiz istiqamətində hücum əməliyyatına başladı. Bu əməliyyat Azərbaycan Ordusunun gücünün, qüdrətinin təsdiqi olacaqdı, Azərbaycan əsgərinin qalibiyyət əsgəri olduğunu təsdiqləyəcəkdi. Əməliyyat nəticəsində Füzuli rayonunun 20 Arazboyu kəndi, Horadiz qəsəbəsi və Cəbrayıl rayonunun Cocuq Mərcanlı kəndi işğaldan azad edildi. Bu qələbə ordumuzun döyüş əzmini, qələbə ruhunu ifadə edən qələbə kimi tarixləşdi...
Ordu quruculuğu
dövlət üçün
prioritet idi. Ordu ən
müasir atıcı
silahlarla, uçuş
aparatları ilə, silah-sursatla təchiz edilirdi. Zabit kadrları hazırlığına
da əlahiddə diqqət yetirilirdi. Bunlar hərbi hissələrini tam və
bacarıqlı zabit kadrları ilə komplektləşdirilməsində olduqca əhəmiyyətli
oldu...
Azərbaycan Respublikasının Prezidenti
cənab İlham Əliyev böyük tarixi şəxsiyyət Heydər Əliyevin siyasi kursunu ordu quruculuğu istiqamətində də uğurla davam etdirir. Ordumuzun silahlanması da,
döyüş və
mənəvi-psixoloji hazırlığının
yüksəldilməsi də
dövlətin ən çox diqqət yetirdiyi sahələrdəndir.
Vətən müharibəsinə kimi ön xətdə yeni hərbi hissələrin tikilib istifadəyə verilməsi,
müxtəlif təyinatlı,
bu sıradan beynəlxalq təlimlərin
keçirilməsi ordunun
döyüş hazırlığının
da, mənəvi-psixoloji
hazırlığının da yüksəldilməsində
əhəmiyyətli oldu. Vətən
müharibəsi ərəfəsində
beynəlxalq ranqlı
hərbi ekspertlərinin
rəyinə görə
Azərbaycan Ordusu dünyanın 50 ən güclü ordusu sırasında idi...
Azərbaycanda ordu quruculuğu həmişə dövlətin
diqqət mərkəzində
olub. Həm döyüş, həm də mənəvi hazırlıq
bir-birini tamamlamaqla istər ayrılıqda, istərsə də vəhdətdə gücləndirilib.
Ermənistan beynəlxalq təşkilatların
qəbul etdiyi qətnamələri yerinə
yetirmirdi, yeni ərazilər işğal
etmək niyyəti ilə müxtəlif miqyaslı həmlələr,
hücumlar edir, regionda mövcud status-kvonu saxlamağa çalışırdı. Azərbaycan Ordusu
bu həmlələrin,
hücumların qarşısını
qətiyyətlə alırdı.
2020-ci il sentyabrın
27-də Ermənistan silahlı
birləşmələrinin hücumunun qarşısı
da alındı. Azərbaycan Respublikasının Prezidenti
cənab İlham Əliyevin döyüş
əmri ilə əks-hücuma keçən
ordumuz qısa müddətdə hücumu
dayandırdı. Vətən müharibəsi
başladı. Ordumuz düşmənin
işğal müddətində
yaratdığı müdafiə
sədlərini darmadağın
etdi.
Mövqe qələbələri qazanıldıqca
ordumuzun da, xalqımızın da qələbəyə inamı
artırdı. Vətən müharibəsində Azərbaycan
Respublikasının Prezidenti
cənab İlham Əliyev xalqa müraciətində dedi:
"Dünyada heç
bir qüvvə bizi haqq yolundan
döndərə bilməz.
Dünyada heç bir
ölkə bizim iradəmizə təsir edə bilməz. Biz haqq yolundayıq.
Biz qalib gəlirik.
Biz zəfər çalırıq və
biz öz torpaqlarımızı
geri alacağıq, ərazi bütövlüyümüzü
bərpa edəcəyik".
Bu kəlamlar Azərbaycan əsgərinin
döyüş əzmini
də kükrətdi,
qələbə ruhunu
da.
Şuşanın azad edilməsi ilə 8 noyabrda Vətən müharibəsi
sonlandırıldı. Şuşada düşmənə atılan
sonuncu güllə Vətən müharibəsində
sonuncu güllə oldu.
...Ermənistan ordusunun hərbi qulluqçusu Andrey Nalbandyan belə deyib: "Yaxın məsafədən atışa girən dostlarım düşmənin qeyri-insani inadkarlığını qeyd edirlər. Avtomatla çiynindən vururdun, amma döyüşməyə davam edirdilər - onlar terminator kimi irəliləyirdilər". Düşmənin bu etirafı ordumuzun hansı cəsarətlə vuruşduğunun təsdiqidir...
Zəfər ictimaiyyətə də, Azərbaycanı sevən dövlətlərə də gözəl könül xoşluğu yaşatdı. İctimaiyyət ordumuzun qazandığı Zəfəri könüllərində daim yaşadacaq...
Azərbaycan Respublikasının Prezidenti cənab İlham Əliyevin dediyi kəlmələri hamımız qürurla xatırlayırıq: "Biz nəinki XXI əsrin müharibəsini nümayiş etdirmişik, biz dünyada heç vaxt olmayan Qələbəni qazanmışıq. Çətin relyef şəraitində düşmənin bir neçə istehkamının qarşısında biz peşəkarlıq, məharət, güc, hərbi elm qoyduq və düşməni torpaqlarımızdan qovduq".
Qazanılan Zəfər Azərbaycan Ordusunun gücünün, qüdrətinin təsdiqi kimi tarixləşdi. Dünyanın iri dövlətləri, məğlub dövlət, məğlub dövlətin havadarları gördü ki, Azərbaycan Ordusu regionun ən güclü ordusudur. Dünyanın hərbi ekspertləri də Azərbaycan Ordusunun Zəfərinə heyrətləndiyini etiraf edir. Bunlar ordumuzun tarixi Zəfərinə də ehtiramdır, bu gününə, sabahlarına da...
Ordumuzun yaranmasının 104-cü ildönümüdür.
Ordumuz yeni tarixi bir mərhələdədir. Bu mərhələ qüdrət, güc, qalibiyyət, Zəfər mərhələsidir. Yeni inkişaf mərhələn mübarəkdir, Azərbaycan Ordusu! Xalq sənə inanır, güvənir!..
Səbinə XASAYEVA
Milli Məclisin deputatı
525-ci qəzet.- 2022.- 25 iyun.- S.9.