Əlizadə Nurinin "Su notu"

Şair, Prezident təqaüdçüsü Əlizadə Nurinin bu günlərdə "Su notu" adlı yeni kitabı çapdan çıxıb. "Gənclik" nəşriyyatında çapdan çıxan kitabda şairin son dövr yaradıcılığını əhatə edən şeirlər yer alıb.

Qeyd edək ki, "Su notu" Əlizadə Nurinin oxucularla səkkizinci görüşüdür. Şairin bundan öncə "Pəncərəmdə ağlayan yağış", "Tanrı, gəl tanış olaq", "Durna lələyidi bu yağan yağış", "Tənha şamın kölgəsi", "Bir eşqin xatirə muzeyi", "Ulduzların göz yaşı" və "Şeirlə dolu şəhər" adlı şerlər kitabı çap olunub.

Kitabın ön söz müəlliflərindən olan Xalq yazıçısı, Azərbaycan Yazıçılar Birliyinin sədri Anar qeyd edir ki, Ə.Nuri özünün səmimi obrazlarla zəngin şeirləri ilə müasir şairlər sırasında layiqli yer tutur.

Kitabda Ə.Nuriyə həsr olunan şeirlər, rus dilinə və rus dilindən tərcümə edilmiş əsərlər yer alıb.

S.QARAYEVA

525-ci qəzet.- 2021.- 27 oktyabr.- S.24.