NƏ DİNDİRƏR?

"Mən ayağa qalxacam,

yarama torpaq tökün"

(Barat Vüsal)

Yarana qurban gedim, yaran mənim yaramdı,

Neçə yüz ildir, xalqın viranlığı davamdı,

Orda can verənlərin hamısı öz lələmdi,

Sənin, mənim yaramı torpaq sağaldar, qardaş,

Gözü ağlar ananın yarasın nə dindirər?

Hürr deyib bağıranda batırmasam ağını,

Orda deyib-güləndə incitsəm Kirs dağını,

Gəzəndə o yerlərin biz solunu-sağını

Təskinlik tapa billik, Vətən sağaldar, qardaş,

Dağlı Ağrı dağının acısın nə dindirər?

Min tikə, bir bədənik, parça-parça olmuşuq,

Bu gün Qarabağ deyib xeyli toxtaxlamışıq,

Seyr edəndə Ağdamı uçqundan yaş tökmüşük,

Çox şükür ki, Şuşaya, Laçına hayım yetir,

Yaralı Xan Arazın qübarın nə dindirər?

Nadir RZALI

525-ci qəzet.- 2021.- 23 yanvar.- S.23.