"Karvan keçdi": gənc şairin ilk kitabı

"Zərdabi nəşr" gənc şair Fuad Novruzlunun "Karvan keçdi" adlı şeirlər kitabını oxuculara təqdim edir. Kitabın redaktoru və ön sözün müəllifi tanınmış televiziya jurnalisti və aparıcısı İlhamiyyə Rzadır.

Kitabın annotasiyasında deyildiyi kimi gənc yazarın kitaba daxil etdiyi forma və məzmunca çox fərqli bədii yazıları bəlkə də sabahın şeirləridir. Heç bir vəznə, qafiyəyə sığmayan bu yeni şeirlər daha çox fikir axını, ifadə sərbəstliyi və gənc müəllifin haqq-ədalət ölçülərini itirmiş narahat dünyamızın problemlərinə orijinal bədii yanaşması kimi maraqlıdır.

Fuad Novruzlu kitaba "Azərbaycan" və "Ulduz" jurnallarında, "525-ci qəzet"də, azlogos.az, artlogos.az, kulis.az, iklim.az kimi internet portallarında dərc etdirdiyi 45 şeirini, "Buxarlanma" adlı hekayəsini və "Post-həqiqət dövrü" adlı essesini daxil edib.

"Karvan keçdi" Fuad Novruzlunun ilk kitabıdır.

525-ci qəzet.- 2022.- 1 oktyabr. S. 9.