Qələmsiz yazılanlar
status-esselər
"...Oğul gəlib dizinəcən
Hanı dizdən aşağısı?!"
Bu gün 75 yaşı
tamam olan Xalq şairi Ramiz Rövşənin
"Qapı" poemasını
gənc nəsil çox oxumayıb. İnternetdə tam variantını tapa bilmədim. Ona görə də
525.az-da yayımladıq. Oxumayanlar oxusun. Elə oxuyanlar da yada
salsın...
***
Biz indi ən çox Markdan asılıyıq; istəsə
yazımızı gizləyər,
istəsə çox
oxudar.
Dünya heç vaxt bu qədər bir adamın ovcunda olmayıb.
***
YAŞAT Fondunun hazırladığı
təqvim öz orijinallığı ilə
seçilir.
Müqəddəs Şəhidlərimizin ruhuna
yüksək ehtiram nümunəsi olan təqvim həm də böyük zəhmət sayəsində
araya-ərsəyə gəlib. Elnur Niftəliyevin
redaksiyamıza təqdim
etdiyi bu təqvimə görə
YAŞAT Fonduna sonsuz təşəkkürlər.
Allah bütün şəhidlərimizə
rəhmət eləsin.
***
4 saylı DOST Mərkəzində
Əmək və əhalinin sosial müdafiəsi naziri Sahil Babayevin media orqanlarının rəhbərləri
ilə görüşü
keçirildi. Nazir son
dörd ildə görülən işlərlə
bağlı hesabat xarakterli çıxış
etdi, Azərbaycan Prezidentinin sosial sahədə imzaladığı
sonuncu sərəncamlarına
geniş şərh verdi.
Sahil Babayev yeni təyin olunan nazirlər arasında media ilə ən fəal ünsiyyət saxlayan məmurlardandır. Pandemiyadan öncə də
onun KİV rəhbərləri
ilə bir neçə dəfə görüşləri olmuşdu.
O, həm də jurnalistlər arasında keçirilən müxtəlif
müsabiqələrin təşkilinə
dəstəyi ilə yadda qalıb.
Bu görüş də
xoş təsir bağışladı. Nazirin çıxışı,
nitqi, sosial sfera kimi mürəkkəb
bir fəaliyyət sahəsindən hərtərəfli
bilgili olması rəğbət doğurdu.
Nazirliyin fəaliyyəti
ilə bağlı cəmiyyəti narahat edən bir sıra
məsələlər var
idi ki, Sahil
Babayev bunlar haqqında həm özü yetərincə
ətraflı məlumat
verdi, həm
də KİV rəhbərlərini
maraqlandıran, ictimaiyyəti
düşündürən bir çox məqamlara aydınlıq
gətirdi. Nazirliyin ictimaiyyətlə əlaqələri məsələsinə
toxunaraq sosial təminatla bağlı durumun cəmiyyətə izah olunmasında medianın dəstəyinə
ehtiyac duyulduğunu söylədi, qurumun ayrı-ayrı strukturları
müxtəlif sorğulara
nə qədər operativ və çevik reaksiya versə də, medianın bu sahədə maarifləndirici
fəaliyyətinin zəruriliyini
bildirdi.
Görüşdə iştirak edən media rəhbərləri, nazirlik
yanında ictimai şuranın üzvləri
görüşü ümumi
razılıqla qarşıladılar. Elə bilirəm,
bundan sonra da ictimaiyyəti narahat edən məsələlər barədə
media orqanlarında dürüst
məlumatların verilməsində
bu görüşün
əhəmiyyətli rolu
olacaq.
***
Şantajın yeni və kreativ formaları yaranıb...
***
Laykı
da təmənnalıdır
***
Sözün başına "tik-tok"
salanda...
***
O, axı həmişə
100 manatlıq kostyum alırdı...
***
Ən ürəkdolusu, ən halal layklar!
***
Cümlənin gözəlliyinə bax! Heyranlıq doğurur; dilimizə və ədəbi təfəkkürümüzə hörmət yaradır!..
***
Ad gününü Şuşada
keçirməyin qüruru
və xoşbəxtliyi...
Cənab Prezident həm də ən duyğulu və dərin mənalı qərarların müəllifidir.
50 yaşını Ağcabədidə,
Taxtakörpüdə məcburi
köçkünlərlə keçirən Ali Baş Komandan 60 yaşını
azad Şuşada qeyd edir.
***
Keçmiş məmurlar çəkindiklərindən
feysbukda açıq görünmürlər. Amma Misir
Mərdanov profil də açıb, hamıdan da çox layk yığır.
***
Abdulla Şaiq adına
Dövlət Kukla Teatrının 90 illiyi münasibətilə Teatrın
yaradıcı kollektivini,
bütün əməkdaşlarını
və teatrsevərləri
təbrik edirəm.
Kukla Teatrı
zəngin, qiymətli ənənələrə malik
mədəniyyət ocağıdır,
ona layiqincə dəyər verməli, qorumalı, fəaliyyətini
dəstəkləməli, hər
fürsətdə təbliğ
etməliyik. Uşaqlarımızın beynini yabançı
serialların, aqressiv məzmunlu cizgi filmlərinin işğalından
qurtarmaq üçün
rəqabətə davamlı
milli uşaq tamaşaları və cizgi filmlərimizin yaradılması, bu sahənin inkişafı üçün ciddi addımlar atılmalı,
uyğun strategiya hazırlanmalıdır. Bizim Cırtdanımız
yabançı cizgi
film qəhrəmanlarıyla ayaqlaşmağa qadirdir; ağıllı, özgüvənli,
fəndgir, müasir ifadəylə desək, kreativdir.
Sadəcə, çağdaş düşüncəyə
hesablanan yeni çoxseriyalı cizgi filmi və kukla
tamaşalarıyla uşaqlarımızın
marağını, rəğbətini
qazanmağa çalışmalıyıq.
Gələcəyimiz buradan başlanır...
***
Ustad Aşıq
Şəmşirin ailəsində
doğulub-böyüyən Qənbər müəllim
bu ulu ocağa
xas bütün nəcib keyfiyyətləri,
dəyərli xüsusiyyətləri
öz şəxsiyyətində
layiqincə təcəssüm
etdirmişdi.
Ədəbiyyata ruhən, qəlbən
bağlı olan, qələm adamlarına yüksək münasibətilə
seçilən Qənbər
Şəmşiroğlunu "525-ci qəzet"lə uzun illərin sıx dostluq münasibətləri
bağlayırdı. Yaradıcılıq nümunələri, xüsusən
şeirləri ilə
vaxtaşırı qəzetimizdə
çıxış edən
Qənbər müəllim
"525-ci qəzet"in dəyərli
müəlliflərindən biri və sadiq,
qədirbilən oxucusu
idi.
Allah rəhmət eləsin! Ruhu şad olsun!
***
Yata bilmirsənsə, gecə uzundur...
***
Reklama qoymasanız, yazınızı
oxuyan olmaz...
***
Bir də var qorxulu yuxudan
oyanmaq. Reallığın
yuxudakı sədası...
***
Hər cibdə bir maska...
***
Şəhid ailəsiylə görüşmək
savabdır. Şəkil çəkdirmək də olar. Amma bu şəkli
paylaşmaq...
***
Şuşaya Salyan yolu ilə getmək...
***
Deyir, dərdini deməyə adam yoxdur,
hamısı robotdur...
Füzuli
yada düşdü:
"Dərd çox, həmdərd yox..."
***
Tıxacsız, nəfəs dərən
şəhər, sakit
səhər...
Xırda incikliklər unudulsun, umu-küsülər keçmişdə
qalsın.
Həmrəyliyimiz əbədi, 2022 uğurlu
olsun!
Qarabağdakı quruculuqdan birlikdə
zövq alaq...
***
Ağsaqqal olmağın yüz
şərti var...
***
Unutduğum kimsə var?..
***
Cənab
Prezidentin 2022-ci ili "Şuşa ili" elan etməsini alqışlayır
və sonsuz təşəkkürümüzü bildiririk.
Şuşa sevgimiz heç
zaman azalmasın!..
***
Kiminsə xatirinə Vyana
Filarmoniyası orkestrinin
Yeni il
konsertinə baxmaq...
***
Duzsuz, şit təzələrdənsə
köhnə filmlərə
təkrar baxmaq yaxşıdır...
***
30 il qabaq
belə şəhəri
ağlınıza gətirərdiniz?!
***
Təkcə Almaatıda onlarla insanın ölüm xəbəri yayılıb. Hələ digər
bölgələrdə nə
baş verdiyi barədə məlumat yoxdur. Çox məyusedici haldır.
Baş verənlərə kədərlənirik.
Amma suallar da çoxdur.
Qazaxıstan prezidenti xaricdə ciddi hazırlıq keçmiş mütəşəkkil
terrorçu dəstələrdən
danışır. Bu iğtişaşları xarici
təzavüz adlandırır.
Amma müəmmalıdır, belə
terrorçu dəstələrin
hazırlandığı və
ölkəyə yayılması
barədə niyə xüsusi xidmət orqanları xəbər tutmayıb? Niyə onları zərərsizləşdirməyə
çalışmayıb?
Suallar çoxdur...
Bir sual da Nazarbayevin
harada olması və hadisələrə
heç bir münasibət bildirməməsidir...
Könüllü, ya zorən susqunluqdurmu?
Bilinmir.
***
Əgər ortada həqiqətən xalqın iradəsi olubsa, azadlıq və müstəqillik ideyası bu 30 ildə xalqın canına-qanına hopubsa, yad qoşunların gəlişinə də etiraz, müqavimət görünməlidir. Bu olmayacaqsa, deməli, xalqlıq iş yoxdur, oyun kənarda qurulub.
***
Qazaxları ən çox Lukaşenkonun sözləri
- məsləhətləri yandırıb-tökəcək.
***
Almaatıda bir neçə dəfə olmuşam. Axırıncı dəfə 2019-cu ilin dekabrında Qazaxıstan Yazıçılar Birliyinin
qurultayında iştirak
etmişdik. Varlı
şəhər, mədəni
insanlar... Həmyerlilərimizin də geniş
biznes şəbəkələri
var orada.
Xoş duyğularla,
yaxşı xatirələrlə
yadımda qalıb Almaatı.
İndi iğtişaşlarla, həlak
olan insanlarla bağlı videolara, viran olmuş şəhərin şəkillərinə
baxıb dərin kədər hissi keçirdim.
Keçmiş olsun. Qazax
dostlarımızın kədərini, acısını
bölüşürəm. İctimai asayişin bərpa olunmasını, bu hadisələrin qorxulu yuxu kimi keçmişdə
qalmasını, bir daha
təkrarlanmamasını arzulayıram.
Rəşad MƏCİD
Azərbaycan Yazıçılar Birliyinin sədr müavini, "525-ci qəzet"in
baş redaktoru
525-ci qəzet.- 2022.- 8 yanvar.- S.9.