"Azərbaycan"
deyiləndə..."
Şeir yaddaşımla öyünə bilmərəm. Heç öz cızma-qaralarımı əməlli-başlı əzbərləyib ortalığa çıxarmaq bacarığım da yoxdur. Ancaq qəribədir, elə şeirlər var ki, onlar birbaşa insanın özündən asılı olmayaraq onun şüurunda yer edir, əbədi həkk olur. Belə poetik nümunələrdən biri də mərhum Xalq şairimiz Məmməd Arazın "Mənim dünyam" şeiridir.
Mən bu şeiri əzbərləyəndə, daha doğrusu, bu sətirlər yaddaşıma həkk olunanda hələ bütün sovet xalqlarının ümumi vətəni sayılan bir dövlətdə yaşayırdıq. Uşaq bağçasından tutmuş ali məktəbədək, beşikdən qəbrədək o dövlətin tərənnümü bizi bihuş eləmişdi. Sovet şairi B.Mayakovskinin pasportunu cibindən çıxarıb özgələrinə yandıq verdiyi böyük bir şeiri tam əzbər deyib ədəbiyyatdan kök "5" qiyməti aldığım və müəllimimin gözündə bir az da ucaldığım vaxta düşür bu şeirlə ilk tanışlığım. "Mənim dünyam" şeiri o vaxt dərslikdə yox idi, ilk dəfə milli radioda "Poeziya buketi, nəğmə çələngi" verilişindən dinləmişdim. Sonra Zəngilanın məşhur kitab mağazasını işlədən Bəhram dayı (məkanı cənnət olsun) dəftərində qeyd aparıb Bakıdan alıb gətirmişdi mənim üçün. Bu gün "Sovet pasportu"ndan yadımda qalan bircə ilk oxuduğum sərbəst şeir olması, bir də mərhum müəllimim Tofiq Hacıyevin şeirin Xalq şairi Rəsul Rza tərəfindən tərcümə edildiyini dəfələrlə təkrarlamasıdır. "Mənim dünyam" şeiri isə o vaxt məni necə öz ağuşuna alıbsa, heç bir zaman təkrarlamadığım halda bu gün də əzbər deyə bilərəm.
Azərbaycan - qayalarda
bitən bir çiçək,
Azərbaycan -
çiçəklərin
içində qaya.
Mənim könlüm bu
torpağı
vəsf eləyərək,
Azərbaycan dünyasından
baxar dünyaya.
Mən onda əlaçı şagird kimi sovet təhsil sistemində uğurlarımla
müəllimlərimi, ailəmi
sevindirirdim. Azərbaycanın
"çiçək kimi
qayalarda" bitməsi,
"çiçəklərin içində qaya" olması uşaq təfəkkürümdə ilk poetik mənzərə yaratmışdı. Azərbaycan
dünyasından dünyaya
baxmaq "oktyabryat"
nişanından, qırmızı
qalstukdan keçərək
həsrətlə komsomola
hazırlaşan (sözün
əsl mənasında),
kommunist olmaq arzusu ilə yaşayan məktəbli üçün bir az da qəribə səslənirdi. Ancaq səslənirdi! İlk növbədə
poetik çalarları
ilə ürəyimə
yatmışdı:
Azərbaycan mayası nur,
qayəsi nur ki...
Hər daşından alov
dilli
ox ola
bilər.
"Azərbaycan!" deyiləndə
ayağa dur ki,
Füzulinin ürəyinə toxuna
bilər.
Gecə
saat 23.00-da Azərbaycan
radiosunda "lirika dəftərindən" qəzəllərini
və qəzəllərinə
yazılan mahnıları,
romansları heyranlıqla
dinlədiyim Füzuli
boyda şairin ürəyinə toxunmamaq
üçün neçə
dəfə ayağa durmuşam, onu bir Allah bilir!
Yaradıcı, eyni zamanda zəhmətkeş bir ailədə, müəllim
və məktəb, teatr (ucqar dağ
rayonu Zəngilanda verilən konsertlər, tamaşalar indi də xatirimdədir), evimizin daimi qonağı olan radio-televiziyamızın, kitabxanaların
tərbiyəmdə, gələcək
taleyimin müəyyənləşməsində
oynadığı rol
danılmazdır. Xalq
şairi Məmməd
Arazın "Mənim
dünyam" şeiri
isə həyatımda
çox mühüm rolu olub. Hərbi
xidmətimi başa vurub BDU-nun Jurnalistika fakültəsinə imtahan
verirdim. 2 konkret və 1 sərbəst mövzuda inşa yazmalı idik. Mənim vətənim mövzusunda sərbəst
inşaya üstünlük
verdim. Adətim üzrə qələmi kağızların üstünə
qoyub beynimdə süjet xəttini cızmağa başladım.
Qaralamaya "Mənim
dünyam" şeirinin
sonuncu bəndini yazıb yaddaşda ən zəif yerim olan nöqtə-vergülü
məntiqlə düzdüm,
yenidən mövzuya kökləndim. Ardınca
nədənsə ən
çox ürəyimə
yatan aşağıdakı
bəndi yazdım:
Ətrafdakılara nəzər yetirəndə
abituriyentlərin qaralamadan
ağlamaya köçürdüklərini
gördüm. Başa
düşdüm ki, gecikə
bilərəm. Həyəcan
məni bürüdü.
Bu vaxt mərhum şairimiz Famil Mehdi (bunu sonra bizə
dərs deyəndə
biləcəkdim) çox
nəvazişlə mənə
tərəf əyilib:
- Oğlum, sən heç nə yazmamısan ki, çətinliyin
var?" - soruşdu. Təşəkkür
etsəm də, nədən və necə başlayacağımı
bilmirdim. Bir müddətdən
sonra o, yenidən mənə yaxınlaşdı:
- Niyə yazmırsan, oğlum, gecikirsən axı... Özünü pis hiss etmirsən ki? - sualını verdi. Dinmədim, dinib nə deyəcəkdim ki?!. Özüm də bilmədən ağlıma bir sual gəldi:
- Müəllim, olar mən birbaşa ağlamaya yazım?-soruşdum. Diqqətlə üzümə
baxıb qaralamada qaraladığım iki bənd şeirə nəzər yetirdi:
- Hə, Məmməd Araz dünyasından başlamısansa, yaxşıdır.
Olar, bala, yaz, sənə uğurlar!
Mərhum
şairimizun mənə
diləyi həv
əsimə həvəs, nəfəsimə
nəfəs qatdı.
Vaxt qıtlığından
3 səhifə yarım
yaza bildim. Ancaq Məmməd Araz dünyasından aldığım ruh yüksəkliyi bitmək bilmirdi. Sonradan müəllimim olan şair Famil Mehdiyə minnətdarlığımı
bildirəndə gülümsündü
və şair təbi ilə dedi:
- Var olsun Məmməd Arazı, böyük şairdir! Sən də sağ ol ki, onun bu
möhtəşəm şeirini
seçmişdin.
Və nəhayət, Məmməd
Arazın "Mənim
dünyam" şeirinin
uşaqlığıma düşən
ilk təəssüratını xatırlayıb onda ağlıma sığışmayan
iki misra üzərində dayanmaqla
"şairlər peyğəmbərlərdən
sonra gəlirlər"
kəlamına "əsl
şairlər elə peyğəmbərdirlər!" düzəlişini vermək
cəsarəti tapıram
özümdə:
Azərbaycan qatarı da yollara
çıxdı
Dağılanda Qoca şərqin duman dünyası.
Mahir CAVADLI
525- ci qəzet.- 2023- cü il.- 1 dekabr.- ¹ 218.- S. 12.