“Firidun bəy Köçərli- 160” adlı vəsait təqdim olunub

Firudin Köçərli adına Respublika Uşaq Kitabxanasının Ölkəşünaslıq və Milli ədəbiyyatın təbliği şöbəsi tərəfindən Azərbaycan ədəbiyyat tarixçiliyi elminin banisi F.Köçərlinin 160 illik yubileyi münasibətilə hazırlanan “Firidun bəy Köçərli- 160” adlı tövsiyə vəsaiti virtual rejimdə istifadəçilər üçün təqdim edilib.

525.az xəbər verir ki, vəsaitin əvvəlində F.Köçərlinin müdrik deyimləri və görkəmli şəxslərin F.Köçərli haqqında fikirləri yer alıb. Giriş hissəsində isə F.Köçərlinin fəaliyyətindən bəhs edilib. Tövsiyyə biblioqrafiyasında 2014-2022-ci illərdə F.Köçərli haqqında yazılan kitablar, məqalələr və s. materiallar yerləşdirilib.

Təqdim edilən vəsait kitabxanaçılar, metodistlər, müəllimlər, ümumilikdə bütün istifadəçiər üçün nəzərdə tutulub.

525-ci qəzet.- 2023.- 30 mart.- S.10