Mir Şahinin 100 yaşına
prelüdiya ...
Mir Şahinin 60 yaşı! Bu 60 il mənə
təəccüblü gəldi.
Çünki mən elə bu Mir
Şahinin Azərbaycan
Dövlət Universiteti
Jurnalistika fakültəsinin
birinci kurs tələbəsi adını
aldığı vaxtdan
60 yaşlı müdrik
bir adam kimi tanıdım. İlk yazısını mənə verdi və mənim rəyimi gözlədi...
Mən o yazını
elə o birinci kurs tələbəsinin yanındaca oxudum. O birinci kurs tələbəsi
o yazıda ciddi bir problem qoymuşdu:
Azərbaycanın cavan
oğlanları bir tikə çörək dalınca doğma yurdu tərk edib başqa ölkələrə üz
tuturlar və bununla da qızlarımızın
ərə getmək problemi yaranmaqdadır...
O birinci kurs
tələbəsinin o yazısı
o qədər mükəmməl
idi ki, mən
onu dərhal o zamankı " Azərbaycan
gəncləri" qəzetinə
təqdim etdim. Redaktor yazını dərc etmək istəmədi: problemin sərtliyindən ehtiyat elədi. Onda mən fakültənin dekanı Tofiq Rüstəmovdan o "ehtiyatlı"
redaktora təsir göstərməyini xahiş
etdim... Beləliklə,
o birinci kurs tələbəsinin o yazısı
"Azərbaycan gəncləri"
qəzetində dərc
olundu. Bütün fakültə, xüsusilə,
Şirməmməd Hüseynov,
Nurəddin Babayev, Famil Mehdi kimi
müəllimlər Mir
Şahinin çox istedadlı bir jurnalist olacağı ətrafında fikir söylədilər.
Bəs belə
bir yazını kim qələmə ala bilərdi? Belə bir yazını
artıq dünyanı
dərk etmiş, ictimai problemləri görməyi bacaran, yüksək publisistik üsluba sahib olan bir peşəkar
jurnalist qələmə
ala bilərdi ki, ona da
18 yaş vermək çox çətin idi...
Mir Şahin
"Dədə Qorqud"
boylarının dastanlara
çevirdiyi min illərin şahididir. Mir Şahin bugünkü orijinal, heç kimə bənzəməyən publisistik
üslubu ilə müasirliyin aynasıdır.
Mir Şahin Azərbaycan dövlətçiliyini
canından qat-qat artıq tutan və bu dövlətin
100 il bundan sonrakı qürurlu taleyinin də canlı şahidi olacaq. Çünki belə yüksəkdən
yüksək istedad sahiblərinin doğum günü də, ömür karvanı da vaxtdan, zamandan
yuxarıda dayanır.
Mir Şahinin
istedadı onun sətirlərində, fərdi
üslubunda, hadisələri
heç kimin görə bilmədiyi görümündədir. Onun
ömrünün tələbəlik
illəri də, telejurnalist kimi fəaliyyətə başladığı
ilk çağları
da, bu gün
yaratdığı REAL TV-dəki
işi də mənim şahidliyim fonundadır. Onun istedadından doğan bəzi praktik misallar: Mir Şahinin
vaxtı ilə müəlifi olduğu bir proqramın başlığı: "Millimetr"!
Milli ustad
(metr-alınma söz olub ustad mənasındadır)
mənası daşıyan
bu proqram bir çox ədəbi-bədii, elm, incəsənət sahəsindəki
ustad adamlarımızı
xalqa tanıtmağa çox kömək etdi.
Yaxud
REAL TV-dəki "Göstərir
radio" popluyar proqramın
adı. İlk baxışda
düşünürsən: radio necə göstərə bilər? Amma proqrama diqqət etdikdə anlayırsan ki, bəli,
radio da göstərə bilir.
Mir Şahin özünün aparıcı olduğu proqramların hər birində elə orijinal məqamlar yaradır ki, tamaşaçı
o məqamları illər
boyu unuda bilmir. Onun müəllifi
və aparıcısı
olduğu "Açıq
dərs" proqramı
orta nəsil tamaşaçılarının yaxşı yadındadır.
Proqramlardan birində Xalq cəbhəsi dövrünün yüksək
vəzifəli bir adamı efirdə oturub. Azərbaycanın ağır günlərində
yenidən hakimiyyətə
qayıtmış Heydər
Əliyev apardığı
islahatlar çərçivəsində
bu adamı da nöqsanlarına görə
vəzifədən uzaqlaşdırıb.
Aparıcı Mir Şahin
keçmiş kadrın
vəzifədən niyə
uzaqlaşdırıldığının
səbəbini özü
yaxşı bilir, amma bunu tamaşaçıya
da bildirmək məqsədilə
ona sual verir:
- Prezident sizi niyə işdən çıxartdı?
Cavab:
- Bilmirəm. Amma dedi ki, sənə başqa iş verəcəyik.
Mir Şahin:
- Yəni sizin günahınız yox idi?
Cavab:
- Yox!
Mir Şahin:
- Bəs niyə sizə iş vermir?
Cavab:
- Bilmirəm!
Mir Şahin:
- Yəni doğurdanmı sizin günahınız yox idi?
Cavab:
- Yox!
Mir Şahin:
- Onda mən üzümü
tuturam cənab Prezidentə: Cənab Prezident, bu adamın
günahı varsa,
buna iş verin, günahı yoxdursa, buna iş verin!
Burada əsas məsələ
Mir Şahinin xalq dilindən gələn
"iş vermək"
ifadəsini kalambur formatında istifadə etməsindədir.
Mir Şahinin xalq dilinə bu qədər yaxınlığı
onun bütün verilişlərində özünü
göstərməkdədir. Jurnalistin ustad peşəkarlığı və
buna görə də
tamaşaçıların ona güclü inamını hiss edən Ümummilli liderimiz Heydər Əliyev ABŞ-ın Klivlend xəstəxanasında müalicə
aldığı günlərdən
birində məhz ona zəng edir
və canlı telefon bağlantısında
bildirir ki, o, sağ və salamatdır və bunu xalqa
çatdırmağı məhz
Mir Şahinə tapşırır.
İllər keçdi və
Mir Şahin Ulu öndərin ömür
yoluna yaxından bələd olan bir jurnalist kimi
lap bu yaxınlarda efirə çıxardığı
"Dövlət belə
quruldu..." televiziya
filmini videotarixə çevirdi...
Mir Şahinin teleyaradıcılığında
çox yadda qalan tapıntılarından biri
olan "Dəmir yumruq" sənədli telefilmi Heydər Əliyevin belə bir fikrinin kontekstində
formalaşıb! "Biz Azərbaycan
deyəndə onun sərvətini, onun gözəl təbiətini
nəzərdə tuturuq.
Lakin bütün bunlarla
yanaşı, respublikanın
ən başlıca sərvəti əsrlərdir
bu torpaqda yaşayan, öz taleyini, öz həyatını bu torpağa bağlayan, müxtəlif millətlərdən
olan, müxtəlif dinlərə etiqad edən adamlardır. Ölkə nə qədər çox xalqı birləşdirərsə,
bir o qədər də zəngin olar". Heydər Əliyevin bu sözləri filmin leytmotividir.
Filmdə
Azərbaycanda yaşayan
müxtəlif xalqların
oğullarının Vətən
müharibəsi başlayan
andan düşmənə
qarşı Vətən
sevgisi ilə necə vuruşmağa yola düşmələrindən
və cəbhənin ön xəttində qəhrəmancasına vuruşmalarından
söhbət gedir.
Amma burada Mir Şahinin
bir ustad tapıntısını vurğulamaq
istəyirəm: bu maraqlı filmin ssenari müəllifi kim olsa yaxşıdır?
Müzəffər Ali Baş
Komandan İlham Əliyev
başda olmaqla Azərbaycan döyüşçüləri,
Yenilməz Azərbaycan
xalqı: türklər,
talışlar, ləzgilər,
ruslar, yəhudilər,
kürdlər, tatlar, saxurlar, rutullar, malakanlar, inqiloylar, qaraçılar, assuriyalılar,
udilər, almanlar və dövlətimizin ətrafında birləşən
bütün dünya azərbaycanlıları...
Yalnız
bu xalqların adlarından sonra filmin yaradıcı heyətini görürük.
Filmdə yaşadığı
torpağa yəhudi Albert
Aqarunov kimi Vətən sevgisi nümayiş etdirən xalqların nümayəndəlırinin
hər sözünü
tamaşaçı qürurla
izləyir.
Mir Şahin cəsarətli bir döyüşçüdür.
Və həm də sözün müstəqim mənasında.
Biz onu 44 günlük
Vətən müharibəsində
cəbhə xəttinin
ən qaynar nöqtələrində gördük.
Biz onu başını
tankın lükündən
çıxarıb ona
müsahibə verən
Milli Qəhrəmanımız Albert Aqarunovla, Füzulidən tutmuş Laçınadək
uzanan döyüş
səngərlərindəki əsgərlərimizlə bir
yerdə çox gördük.
Lap cavan yaşlarından ustad bir ustad
kimi formalaşmış
Mir Şahin ömür
boyu öyrənməyi
vacib sanmaqdadır. Mən onun AzTV-də
maraqlı bir müsahibəsini xatırlayıram.
Təxminən iki il əvvəl verdiyi o müsahibədə jurnalistin
"Mir Şahin müəllim,
Siz haranı bitirmisiz?" sualını
belə cavablandırır!
- Mən Bakı Dövlət Universitetinin Jurnalistika fakültəsində
oxumuşam, ancaq bu fakültəni heç vaxt bitirmək olmur. Mən hər dəfə o fakültəyə
nə münasibətləsə
gələndə sanki
o müəllimlər qarşısında
yenidən imtahan verməyə gəlirəm.
Bu, bir tərəfdən ciddi bir təvazökarlıq
faktıdır, digər
tərəfdən Universitet
və müəllim anlayışlarına sevgi,
hörmət, sədaqət
hissidir.
Amma mən də etiraf edirəm ki, Mir Şahin özü əvəzolunmaz bir müəllimdir. O, işlədiyi
və rəhbəri olduğu REAL TV-də bütöv bir kollektivi peşəkar jurnalist kimi yetişdirə bilmişdir.
Bu gün əgər
REAL TV Azərbaycan media məkanında
ən peşəkar bir telekanal səviyyəsindədirsə,
bu, Mir Şahinin ustadlığına və
ustad müəllimliyinə
bağlıdır.
Azərbaycan yeni müstəqillik dövrünə qədəm
qoyanda bizim də milli jurnalistikamız
Qərb modelini peşəkarlıq məktəbi
kimi qəbul etdi. Lakin bir az keçdi və biz bu "məktəbin" saxta sifətinin şahidi olduq. Mir Şahin nadir jurnalistlərdəndir ki, özünün
və rəhbərlik
etdiyi kollektivin diqqətini daha çox klassik milli mətbuat məktəbinə
yönəltdi: mediamızın
əsas vəzifəsi
ilk növbədə milli maraqlarımızın,
azərbaycanlığın, dövlətçiliyimizin qorunmasına
xidmət etməkdən
ibarət olmalıdır.
Bu keyfiyyətin milli mənada
nə qədər vacib olduğunu 44 günlük Vətən müharibəsində birləşən
jurnalistikamız göstərdi.
Etiraf edək ki, milli maraqlar, dövlətçilik,
vətənpərvərlik kimi məsələlər
REAL TV-nin aparıcı
mövzularıdır.
Və elə bu xidmətlərinə
görədir ki, Azərbaycan
Prezidenti İlham Əliyev
noyabrın 11-də imzaladığı
Sərəncamla Mir Şahini
"Vətənə xidmətə
görə" ordeni
ilə təltif edib. Qeyd edim
ki, Prezidentimizin jurnalistlərə
və elə bu məqamda Ustad Mir Şahinə bu diqqəti məni hədsiz dərəcədə sevindirdi.
Həm də ona görə ki, bu qiymətli orden daha çox
birbaşa döyüşlərdə
iştirak edənlərə
verilir. Mir Şahin jurnalistikanın ən qaynar xəttində vuruşan, erməni işğalçılarının torpaqlarımızdan qovulması
uğrunda vuruşan əsgərlərimizin yanında
olmaqla bu şərəfli adı öz yorulmaz xidmətləri ilə qazanmışdır.
Jurnalistika peşədir. Çünki onu öyrənmək olur. Bədii yaradıcılıq sənətdir. Çünki sənət həm də Tanrı vergisidir. Mir Şahin öz yaradıcılığında peşəni sənət səviyyəsinə yüksəltmiş nadir şəxsiyyətlərdəndir. Onun publisistikası ədəbi-bədii yaradıcılığın zirvə nöqtəsidir. Bu yaradıcılıq onu xalqa, xalqı da ona bağlamışdır. Mir Şahinin xalq deyimlərinə xüsusi sevgisi var. Xalq sevdiyi, qədrini bildiyi insana öz arzusunu həm də belə ifadə edir: "Səni yüz yaşa!" Mən "Mir Şahinin 100 yaşına prelüdiya..." başlıqlı bu yazımı Ustad jurnalistə müəllimindən bir xatirə olaraq qələmə aldım. Canım Mir Şahinim! 60 və 100 yaşın mübarək olsun!
Cahangir Məmmədli
BDU Milli mətbuat tarixi
kafedrasının müdiri,
filologiya elmləri doktoru, professor
525- ci qəzet.- 2023- cü il.- 15
noyabr.- ¹- 206.- S. 8.