Sən - olmayan şairin

yazılmayan şeirisən,

Sən qədər uca tutdu

Tanrı verdiyi vədi.

Ümidsizə sən elə

sonsuz ümid yerisən

Ən əlçatan yerdəsən

əlçatmazsan əbədi.

Gecə işıqlarında

kəhkəşan su sayrışır,

Gölməçələr yağışla

sevişir damla-damla.

Heç xəyalıma gəlmir

nəinki yaxın düşüm,

Axan bir ulduz kimi

atan dırnağın olmaq.

Dünyaca sevənlərə

dünyada iki yaş var,

"Yalnız ikicə yaş var,

yalnız: həyat və ölüm".

Sən elə, elə varsan

səninçün ölən yaşar,

Mən həyat yaşındayam,

səndə neçədi, gülüm?

QARDAŞXAN

525-ci qəzet . 2024.- 7 mart,№44.-S.15.