MƏN TARİXİN YADDAŞINA KÖÇMÜŞƏM

Zirvəsində bulud yatan dağların,

Sinəsindən doya-doya içmişəm

Kədərindən sevinc doğan çağların,

İlmə-ilmə ürəyinə köçmüşəm.

El-obanın halıyam dərd-sərindən,

Gün oyandı dan söküldü yerindən,

Bu müqəddəs vətən zəmilərindən,

Şair könlüm söz tarlasın biçmişəm.

Yenə gəldik təbiətlə üz-üzə,

Bu dağlarla, dərələrlə göz-gözə,

Mən şairi görmüsüzsə xoş sizə,

Mən tarixin yaddaşına köçmüşəm.

Nicat HUNALP

525-ci qəzet .- 2024.- 10 oktyabr(№185).-S.15.