Əhməd Ağdamskinin irsinə həsr olunmuş gecə keçirilib

Beynəlxalq Muğam Mərkəzində Azərbaycan mədəniyyətinin görkəmli simalarından olan Əhməd Ağdamskinin irsinə həsr olunmuş konsert proqramı təqdim edilib.

AZƏRTAC xəbər verir ki, bu adla Əhməd Bədəlbəyli özünü Azərbaycan incəsənəti tarixinə qızıl hərflərlə yazıb. Milli dram və musiqili teatrın formalaşdığı dövrdə tamaşalarda yalnız kişilər iştirak edirdi və məhz o, Üzeyir bəyin dəvəti ilə Leyli rolunun ilk ifaçı oldu. Onun səmimiyyət və nəcibliklə seçilən ifaları tez bir zamanda tamaşaçıların rəğbətini qazandı. Əhməd Ağdamski bu rolun ən yaxşı kişi ifaçısı hesab olunur.

Ağdamskinin muğam operalarında və musiqili komediyalarda qadın rollarını ustalıqla və ilhamla ifa etməsi onu Azərbaycan musiqi mədəniyyəti tarixində unikal bir şəxsiyyətə çevirdi. Doğma qardaşı Bədəlbəyin səbəb olduğu “Leyli və Məcnun”da Leyli rolu ilə yanaşı, o, “Əsli və Kərəm”də Əsli, “O olmasın, bu olsun”da Gülnaz, “Arşın Mal Alan”da Gülçöhrə, “Ər və arvad”da Minnət xanım, “Rüstəm və Zöhrab”da Təhminə və “Şah Abbas və Xurşidbanu”da Xurşidbanu rollarını ifa edib. 1916-cı ildə Əhməd Ağdamski Üzeyir Hacıbəylinin eyniadlı operettası əsasında çəkilmiş ilk Azərbaycan film komediyası olan “Arşın mal alan”da rol alıb. 1943-cü ildə ona “Azərbaycanın Əməkdar incəsənət xadimi” adı verilib.

Konsert proqramının əsasını bu il 140 illik yubileyi qeyd olunan və Əhməd Ağdamskinin doğma xalası oğlu olan Üzeyir Hacıbəylinin ölməz əsərləri təşkil edib.

525-ci qəzet .- 2025.- 2 dekabr (№219).- S.9.