Yazıçılar Birliyindən Firuzə Məmmədliyə yubiley təbriki

Yanvarın 10-da Azərbaycan Yazıçılar Birliyində (AYB) görkəmli şair, pedaqoq, AYB-nin Həmkarlar İttifaqının sədri Firuzə Məmmədlinin 85 illik yubileyi münasibəti ilə tədbir keçirilib.

AYB sədri, Xalq yazıçısı Anar Firuzə Məmmədlinin həyat və yaradıcılığından söz açıb, onun poeziyasını yüksək qiymətləndirdiyini bildirib və yubileyi münasibəti ilə təbrik edib.

Azərbaycan Yazıçılar Birliyinin sədr müavini Rəşad Məcid, Azərbaycan Yazıçılar Birliyinin katibi Elçin Hüseynbəyli və digər tədbir iştirakçıları Firuzə Məmmədlinin poeziyasından, onun elmi fəaliyyətindən, AYB-nin Həmkarlar İttifaqının sədri kimi səmərəli fəaliyyətindən danışıb, yubilyara ürək sözlərini və təbriklərini çatdırıblar.

Qeyd olunub ki, Firuzə Məmmədlinin yubiley tədbirləri davam etdiriləcək, AYB-də və şairin doğulub boya-başa çatdığı Xaçmaz rayonunda tədbirlər təşkil olunacaq.

Sonda Firuzə Məmmədli göstərilən diqqətə və təbriklərə görə AYB sədrinə və tədbir iştirakçılarına minnətdarlığını bildirib.

525-ci qəzet .- 2025.- 11 yanvar(№5).- S.17.