Tofiq Quliyevin həyat və yaradıcılığına həsr edilmiş fotosərgi keçirilib

Muzey Mərkəzində görkəmli bəstəkar Tofiq Quliyevin həyat və yaradıcılığına həsr edilmiş fotosərgi keçirilib. APA-nın məlumatına görə, Azərbaycan Dövlət Film Fondu və Dövlət Foto-Kino Sənədləri Arxivinin təşkilatçılığı ilə keçirilən tədbirdə T. Quliyevin həyat və yaradıcılığından bəhs edən 44 fotoşəkildən ibarət sərgi tamaşaçıların ixtiyarına verilib. Tədbirdə bəstəkarın musiqilərinin səsləndiyi filmlərdən fraqmentlər də nümayiş olunub. Sərginin açılış mərasimində Azərbaycan Mədəniyyət və Turizm Nazirliyinin əməkdaşları, muzey rəhbərləri və tanınmış incəsənət xadimləri iştirak ediblər.

525-ci qəzet.-2009.-12 fevral.-S.7.