Bakıda Puşkinə
həsr edilmiş tədbir olub
Böyük rus şairi A.S.Puşkinin anadan olmasının 210-cu ildönümü münasibətilə şairin Bakıdakı abidəsi önündə tədbir keçirilib. Rusiya Federasiyasının (RF) Azərbaycandakı səfirliyinin, "Rossotrudniçestvo" nümayəndəliyinin, Səbail Rayon İcra Hakimiyyətinin, "Sodrujestvo" Azərbaycan xalqlarının Respublika Həmrəyliyi Cəmiyyətinin (SARHC) birgə keçirdiyi ədəbi görüşdə şairin irsinin müstəsna önəm daşıdığı vurğulanıb. Rusiya səfiri Vladimir Doroxin, Azərbaycan Yazıçılar Birliyinin sədri, xalq yazıçısı Anar, Səbail Rayon İcra Hakimiyyətinin başçısı Sahib Ələkbərov, Bakı Slavyan Universitetinin rektoru Kamal Abdulla Puşkin poeziyasının qeyri-adi keyfiyyətlərindən və bəşəri əhəmiyyətindən bəhs ediblər. Şagird və tələbələrin ifasında Puşkinin şeirləri səslənib, şairin əsərləri əsasında bədii kompozisiya nümayiş olunub.
SARA