"Ah, Paris, Paris..." Naxçıvan
teatrında
Cəlil Məmmədquluzadə adına Naxçıvan Dövlət Musiqili Dram Teatrı xalq yazıçısı Elçin Əfəndiyevin "Ah, Paris, Paris..." komediyasını səhnələşdirir. Naxçıvan MR Mədəniyyət və Turizm Nazirliyinin mətbuat xidmətinin rəhbəri Əli Rzayevin APA-nın yerli bürosuna verdiyi məlumata görə, yeni səhnə əsəri iyun ayı ərzində tamaşaçılara təqdim olunacaq. 90-cı illərin əvvəllərində Azərbaycanda baş verən ictimai-siyasi hadisələrdən bəhs edən tamaşada rolları Rövşən Hüseynov, Rza Xudiyev, Həsən Ağasoy, Nəzakət Xudiyeva, Elmira Kərimova və başqaları ifa edirlər. Tamaşanın quruluşçu rejissoru xalq artisti Kamran Quliyevdir.