Mahnı Teatrında
Əli Aslanoğlunun
60 yaşı qeyd olunub
R.Behbudov adına
Mahnı Teatrında yazıçı-publisist Əli
Aslanoğlunun 60 illik yubileyi qeyd olunub.
Mərasimdə çıxış
edən millət vəkili, xalq şairi Sabir Rüstəmxanlı 10 kitab
müəllifi olan Ə.Aslanoğlunun "Zirvəyə
gedən yol",
"Bilik qapısının
açarları", "Muğam
poetikası və idrak" kitablarının
bədii dəyərindən
söz açıb. Şair, millət vəkili Tahir Rzayev, AYB Qarabağ bölməsinin sədri
Ənvər Əhməd,
yazıçı-publisist
Elçin Hüseynbəyli,
şairlər Oqtay Rza, İslam Sadıq və başqaları Əli Aslanoğlunun yaradıcılıq
yolundan danışıb,
onun əsərlərini
yüksək qiymətləndiriblər.
Çıxışlarda Ə.Aslanoğlunun bədii yaradıcılığı ilə
yanaşı, insani
keyfiyyətləri də
rəğbətlə qeyd
edilib.
Tədbirdə bədii qiraət ustalarının ifasında Ə. Aslanoğlunun şeirləri səslənib.
Sonda Ə. Aslanoğlu
çıxış edərək yaradıcılığ
haqqında deyilən fikirlərə görə minnətdarlığını
bildirib.
SARA