Səyyad Aran "ilin diplomatı" oldu

"FİRST BUSİNESS" JURNALI İSTANBULDAKI BAŞ KONSULUMUZU MÜKAFATLANDIRDI"

Azərbaycanın İstanbuldakı baş konsulu Səyyad Aran "First Business" jurnalının "Zirvədəkilər-2008" ödülünə layiq görülüb. Bu barədə məlumatı qəzetimizə baş konsulun özü verib. S.Aranın sözlərinə görə, Türkiyədə "Grand Cevahir" oteldə düzənlənən tədbirdə "Zirvədəkilər 2008" mükafatlandırma mərasimi təşkil olunub: "Bir çox nominasiyalar üzrə mükafatlar verildi. Mən isə Azərbaycan-Türkiyə arasındakı dostluq və qardaşlıq münasibətlərinin dərinləşməsindəki xidmətlərimə görə, "İlin diplomatı" mükafatını aldım". S.Aranın sözlərinə görə, bu mükafatı alması üçün fəaliyyətində bir çox məqamlar nəzərə alınıb".

Mərasimdə Türkiyənin Kültür və Turizm naziri Ertuğrul Günay ilə yanaşı bir çox ölkədən dövlət və iş adamı, diplomat, alim və sənətçilər iştirak edib.

Qeyd edək ki, "First Business" jurnalının "Zirvədəkilər 2008" mükafatı hər il iş adamları, siyasətçilər, sənət və diplomatlara verilir.    

KAMİL

525-ci qəzet.- 2009.- 30 iyun.- S.4.