"Zirvə-2008"
mükafatı laureatlara
təqdim olunub
Dövlət Muğam Teatrında
Mədəniyyət və
Turizm Nazirliyinin "Zirvə-2008" mükafatının
təqdimat mərasimi
keçirilib. Mərasimdə
çıxış edən
mədəniyyət və
turizm naziri Əbülfəs Qarayev son illər mədəniyyətimizin, incəsənətimizin,
musiqimizin inkişafı,
təbliği istiqamətində
görülmüş işlərdən
söz açıb. Mükafat haqqında məlumat verən nazir vurğulayıb ki, 6 nominasiya üzrə təsis olunan "Zirvə-2008"
mükafatı teatr, musiqi, kino, təsviri
incəsənət və
digər sahələrdə
çalışan mədəniyyət
xadimlərinə veriləcək.
Sonra "Zirvə-2008"
mükafatı rəssam
Tahir Salahova, bəstəkar Arif Məlikova, aktrisa Firəngiz Şərifovaya,
"Hökmdarın taleyi"
bədii filminin və "Yeddi gözəl" baletinin yaradıcı heyətlərinə,
dirijor Əyyub Quliyevə təqdim edilib. Qaliblərə diplomlar və pul mükafatları verilib.
Sevinc MÜRVƏTQIZI