Mədəniyyət və İncəsənət Universitetində Ayaz Vəfalı ilə görüş olub

Dövlət Mədəniyyət və İncəsənət Universitetində (ADMİU) “Ədəbiyyat qəzeti”nin baş redaktoru, əməkdar incəsənət xadimi, şair, Ayaz Vəfalı ilə sənətşünaslıq fakültəsi tələbələrinin görüşü keçirilib. ADMİU-dan verilən məlumata görə, yazıçı-dramaturq, universitetin kafedra müdiri, filologiya elmləri doktoru Aqşin Babayev Ayaz Vəfalının ədəbi-bədii-elmi yaradıcılığı, həmçinin “Ədəbiyyat qəzeti”ndə 50 ilə yaxın müddət ərzində sıravi əməkdaşlıqdan baş redaktora qədər keçdiyi yol barədə söz açıb.

S.Mümtaz adına Ədəbiyyat və İncəsənət Arxivinin direktoru Maarif Teymur, professor Aydın Dadaşov, dosent Əli Əmirli, kafedra müdirləri Gülşən Əliyeva, Sevinc Zeynalova, müəllimlər Ədalət Ziyadxanov, Çingiz Ələsgərli, mətbuat xidmətinin rəhbəri İntiqam Mehdizadə və başqaları “Ədəbiyyat qəzeti”ni “ədəbi həyatımızın aynası” kimi dəyərləndiriblər.

Sonda çıxış edən A.Vəfalı bu tədbirin həm də bir yaradıcılıq hesabatı olduğunu vurğulayaraq, sualları cavablandırıb.

SARA

525-ci qəzet.- 2009.- 11 noyabr.- S.7.