Yunus Oğuzun “Təhmasib şah” romanı çapdan çıxıb

Tanınmış yazıçı, türkoloq-alim Yunus Oğuzun yeni əsəri olan “Təhmasib şah” tarixi romanı işıq üzü görüb (“Olaylar”). “Apostrof” nəşriyyatında nəfis şəkildə çap olunmuş kitabda böyük Azərbaycan hökmdarı, Səfəvilər dövlətinin banisi Şah İsmayılın oğlu I Təhmasibin həyat və fəaliyyətindən bəhs edilir.

Kitaba ön sözü (“Tarixi və müasir roman”) Atatürk Mərkəzinin direktoru, filologiya elmləri doktoru, professor Nizami Cəfərov və filologiya elmləri doktoru Şamil Vəliyev (“Arxada qalmış gələcəyi təsvir edən roman”) yazıblar. Romanda 52 il hakimiyyətdə olmuş, Şəki və Şirvan hakimliyini ləğv edərək Bütöv Azərbaycan qurmuş Təhmasib şahın sərkərdə və diplomat kimi fəaliyyəti əks etdirilib.

525-ci qəzet.- 2009.- 20 oktyabr.- S.7.