Yazıçı Mehdi Hüseyn Pedaqoji Universitetdə anılıb
Bugünlərdə Azərbaycan
Dövlət Pedaqoji Universitetində (ADPU) görkəmli
yazıçı və dramaturq Mehdi Hüseynin 100 illik
yubileyi münasibətilə tədbir keçirilib. ADPU-dan
verilən məlumata görə, tədbirdə
yazıçının həyat və
yaradıcılığı barədə danışan
universitetin rektoru Yusif Məmmədov M.Hüseyni ədəbiyyat
tariximizin inkişafında, yüksək ixtisaslı filoloq
kadrlarının yetişdirilməsində əvəzsiz xidmətləri
olan pedaqoq və ədib kimi xarakterizə edib: "O, hələ
çox gənc yaşlarından yazdığı əsərlərlə
böyük nüfuz qazanıb. Əsərləri bir çox
xarici dillərə tərcümə olunmuş Mehdi Hüseyn,
həm də tənqid və publisistika sahələrində
uğurla fəaliyyət göstərib".
Tədbirdə
çıxış edən universitetin müəllimləri,
digər qonaqlar M.Hüseynin yaradıcılığından,
tənqidçi və pedaqoq kimi fəaliyyətindən
söz açıblar.
Sevinc MÜRVƏTQIZI