"İslam mədəniyyəti" mövzulu
əl işləri sərgilənib
Qala Dövlət
Tarixi-Etnoqrafiya Qoruğunda "İslam mədəniyyəti"
mövzusunda əl işlərindən ibarət sərgi
açılıb. Sərgi 2009-cu ilin Bakının İslam mədəniyyətinin
paytaxtı elan edilməsilə əlaqədar
hazırlanmış tədbirlər planına uyğun olaraq,
Mədəniyyət və Turizm Nazirliyi ilə Bakı Şəhər
Mədəniyyət və Turizm İdarəsinin birgə təşkilatçılığı
sayəsində baş tutub. Açılış mərasiminə
mədəniyyət və turizm naziri Əbülfəs Qarayev,
xarici ölkələrin səfirliklərinin nümayəndələri
və ali məktəb tələbələri
qatılıblar.
Sərgidə sənətkar,
xəttat və dulusçuların islam mədəniyyətini
özündə əks etdirən əl işlərilə
yanaşı, "Qurani-Kərim"in müxtəlif nəşrləri
və əlyazmaları da nümayiş etdirilib. Mədəniyyət
və Turizm Nazirliyindən verilən məlumata görə, tədbirin
keçirilməsində əsas məqsəd gənc nəslin
vətənpərvərlik ruhunda tərbiyəsinə
çalışmaq, ölkəmizdə turizmin
inkişafına müəyyən töhfə verməkdir. Tədbirdə
"İrs" folklor ansamblı konsert proqramı ilə
çıxış edib.
S.MÜRVƏTQIZI