"Məhəmməd
və Züleyxanın
ariyası" yeni təqdimatda
Tanınmış
müğənni Nüşabə Ələsgərli və sənətçi
Cümşüd Abdullayevin birgə ifasına çəkilən
klipin təqdimat mərasimi keçirilib. "Ulduz"
kinofilmindən götürülən məşhur "Məhəmməd
və Züleyxanın ariyası"nı səsləndirən
müğənnilər klipin çəkilişini rejissor Vəfa
Vaqifqızıya həvalə ediblər. Klipin çəkilişləri
əsasən Muğam Teatrında aparılıb. Xatırladaq
ki, mahnının sözləri Zeynal Cabbarzadəyə,
musiqisi Süleyman Ələsgərova məxsusdur.
Klipin nümayişindən
sonra giriş sözü ilə çıxış edən
N.Ələsgərli bundan əvvəl duet
oxumadığını dilə gətirib və Lütfəli
Abdullayevlə Nəsibə Zeynalova kimi korifeylərin
möhürünü vurduqları bir mahnını yenidən
ifa etməyin çətinliyini vurğulayıb. N.Ələsgərli
məhz C.Abdullayevlə duet oxumasını onu gözəl səsə
malik xanəndə kimi dəyərləndirməsilə əlaqələndirib.
Müğənni klipin çəkilişindən razı
qaldığını, peşəkarlara etibar olunan işin
uğurlu alındığını vurğulayıb.
Professional səhnədə
ilk addımlarını atan C.Abdullayev indiyədək
qazandığı nailiyyətlərdən danışıb:
"8 yaşım olanda mərhum Süleyman Ələsgərovun
evində mahnı oxudum. O, hədiyyə elədiyi kitabdakı
avtoqrafında məni gələcəkdə gözəl
ifaçı kimi görmək istədiyini qeyd etmişdi. Bu məni
ariyanı oxumağa ruhlandıran əsas amildir". Klipin
rejissoru tamaşaçıların yeni ekran əsərini bəyənəcəyinə
əminliyini ifadə edib. Tədbirdə çıxış
edənlər müğənnilərin klassik əsəri yeni
formatda ortaya çıxarmalarını müsbət
qarışladıqlarını, klipin maraqlı
alındığını bildiriblər.
Hüsniyyə İSMƏTQIZI