"Heydər Əliyev
və Azərbaycan kinosu" mövzulu tədbir keçirilib
Dünən Dövlət
Film Fondunun yeni binasında Heydər Əliyevin anadan olmasının 86 illiyi münasibəti ilə "Heydər Əliyev və Azərbaycan kinosu" mövzusunda tədbir təşkil edilib. APA-nın məlumatına
görə, tədbirdə
fondun rəhbəri, əməkdar incəsənət
xadimi Cəmil Quliyev, Cəfər Cabbarlı adına "Azərbaycanfilm" Kinostudiyasının
direktoru Xamis Muradov, kinoşünas Aydın Kazımzadə, xalq artisti Hacı
İsmayılov və
başqaları mövzu
barədə fikirlərini
bölüşüblər. Onlar ötən əsrin
son 30 ili ərzində və yeni əsrin əvvəlində Heydər
Əliyevin milli kino üçün kadrların hazırlanması,
kinostudiyanın maddi-texniki
bazasının möhkəmləndirilməsi
məqsədilə gördüyü
işlər, onun dövründə və bilavasitə təşəbbüsü
ilə yaradılan filmlər haqqında söz açıblar. Tədbirdə
Heydər Əliyevlə
bağlı hazırlanmış
xüsusi videoçarxlar
göstərilib. Fondun
foyesində Heydər Əliyevin fotoşəkillərindən
ibarət sərgi açılıb. Tədbirin
sonunda xalq artisti Vaqif Mustafayevin
Heydər Əliyevə
həsr olunmuş sənədli serialından
"Əsl məhəbbət
haqqında" filmi nümayiş etdirilib.