"Yarımçıq əlyazma" polyak dilində
Görkəmli
Azərbaycan yazıçısı, Azərbaycan MEA-nın
müxbir üzvü professor Kamal Abdullanın bir sıra
dünya dillərinə tərcümə olunmuş
"Yarımçıq əlyazma" romanı bu
yaxınlarda polyak dilində də işıq üzü
görəcək. Əsəri polyak dilinə Qdansk Universitetinin dosenti, tanınmış tərcüməçi Stanislav
Ulyaşeviç çevirib.
Tərcümə zamanı
o, romanın orijinal mətni ilə birlikdə rus və fransız
dillərindəki variantlarından
da istifadə edib. Universitetin digər dosenti Qrajina Zatulska "Yarımçıq əlyazma"nın polyak nəşrinə əsərin
tarixi fonunu və bədii özünəməxsusluqlarını açıqlayan müqəddimə
yazıb. Krakovdakı
məşhur Yagellon Universitetinin müəllimi,
tarixçi-türkoloq Ancey
Pisoviçin yazdığı
"Sözardı"ında
isə Kamal Abdullanın populyar romanı ümumtürk tarixi və mədəniyyəti kontekstində
nəzərdən keçirilir.