İlham Qəhrəmanın
İranda kitabı çıxıb
50 yaşı
yenicə tamam olan tanınmış şair İlham Qəhrəmanın Tehranda
"Əsir dağlar"
adlı şeir kitabı nəşr edilib. Kitab Azərbaycan
türkcəsində işıq
üzü görüb.
"Pinar" Yayım
Evinin buraxdığı
kitab Tehranda Beynəlxalq Kitab Sərgisinə çıxarılıb.
Şairin Tehrandakı qələm
dostları? - Azərelli, Məhəmməd Əhmədi, Ədalət
Duman və Şərifə Cəfərinin ərsəyə gətirdiyi
kitab 1000 tirajla yayılıb. Ön sözünü Tehranda
yaşayan azərbaycanlı şair Azərelli yazıb.
İ.Qəhrəman da bu yaxınlarda həmin şairlərin
yaradıcılığından ibarət "Dəyirmanın
alt daşı" şeir antologiyası tərtib edib.
1959-cu ildə
Laçında doğulan İ.Qəhrəman? şeir
yazmağa ötən əsrin 80-ci illərində
başlayıb. Azərbaycanda üç şeir
("Gülüm yarpıza döndü", "Ağlama qu
quşu", "Ey dil"), bir publisistika ("İlham
qapısı") kitabı çapdan çıxıb
("Media forum").