II Respublika Uşaq Kitabı Festivalı başa çatıb
Ümummilli lider Heydər Əliyevin anadan olmasının
86-cı ildönümü ilə əlaqədar F.Köçərli adına Respublika Uşaq Kitabxanasının
təşəbbüsü ilə keçirilən II
Uşaq Kitabı Festivalı yekunlaşıb.
Festivalın bağlanışı mərasimində mədəniyyət
və incəsənət
xadimlərilə yanaşı,
orta məktəb kollektivləri, kitabxana işçiləri və
Bakı teatrlarının
yaradıcı heyəti
də iştirak edib. Kitabxanadan verilən məlumata görə, festival çərçivəsində
"XXI əsr" liseyinin
müəllim və şagirdləri, "Beşik"
nəşriyyatının yaradıcı
heyəti, C.Cabbarlının
ev-muzeyinin əməkdaşları,
SOS uşaq kəndinin
sakinləri, Bülbül
adına musiqi məktəbinin kollektivi, eləcə də İncəsənət Gimnaziyasının
istedadlı şagirdlərilə
maraqlı görüşlər
keçirildiyi qeyd olunub.
Tədbirdə əl
işlərindən ibarət və "Milli dəyərlərimizi
qoruyaq, nağılları yaşadaq: kitabxana və oxucu"
mövzusunda sərgilər nümayiş etdirilib.
SARA