TORPAĞIN HARAYI
(ixtisarla)
...Vətən
varsa biz də varıq,
Vətən yoxsa, tarımarıq!
Eşit ah-naləmi...mənim övladım!
Cəlladtək sinəmə çöküb
erməni.
Mən ana torpağam, Anadır adım,
Sən kimə
tapşırıb getmisən
məni!
Bilinmir bu zalım fələk nə sayır,
Haqlını, haqsızı
gəl indii ayır!
Torpaq övladını
haqlı danlayır:
Sən kimə
tapşırıb getmisən
məni!
Nə üzlə
sən mənə
"Ana" deyirsən,
Verdiyim neməti necə yeyirsən?
Düşmənin önündə
məni əyirsən,
Sən kimə
tapşırıb getmisən
məni!
Çəkdiyin zəhməti
itirməmişəm,
Lüzumsuz tikan da bitirməmişəm.
Mən ki, maymaq övlad yetirməmişəm,
Sən kimə
tapşırıb getmisən
məni!
Hünər də, dözüm də vermişəm sənə,
Xidmət eyləyəsən
Xalqa, Vətənə!
Nə üzlə qayıdıb gələrsən yenə?
Sən kimə
tapşırıb getmisən
məni!
Babalar yolumda candan keçdilər,
Düşməni ot kimi kəsib
biçdilər.
"Torpaq
əmanəti" deyib
köçdülər,
Sən kimə
tapşırıb getmisən
məni!
Torpaqsız bir ömür yaşa dolarmı,
Könlünə yatımlı bir kam alarmı?!
Adam öz yurdunda qaçqın olarmı?
Sən kimə
tapşırıb getmisən
məni!
Dünyada mövcuddur
iki cür bölüm:
Birisi olumdu, birisi ölüm!
İndi qan ağlayır çəmənim,
çölüm...
Sən kimə
tapşırıb getmisən
məni!
Gündüzlər gün çıxdı, axşam
qaraldı...
Hicrandan gözümün kökü
saraldı.
Namusun, qeyrətin de harda qaldı?
Sən kimə
tapşırıb getmisən
məni!
Sanma qorxaqlıqla
Qaçdığın o yerdən hara qaçarsan?!
Dəryaya qərq
olub dərin batarsan...
Sən kimə
tapşırıb getmisən
məni!
Gəl, atma boynunda olan günahı,
Tutacaq haqsızı
haqlının ahı!
Öləndə qoynuma qoymaram axı,
Sən kimə
tapşırıb getmisən
məni!
Bunu yaxşı
bilir hər igid ərim,
Alınmaz qaladır
hər qarış yerim!
Zirvəsi qartallı
dağdı hünərim,
Sən kimə
tapşırıb getmisən
məni!
Anteyi salsaydım
əgər yadına,
Ləkə gətirməzdin
torpaq adına!
Sən də deyəcəksən
öz övladına?
Sən kimə
tapşırıb getmisən
məni!
Torpağı almasan əgər özün sən,
O soyuq məzara nakam gedərsən!
Gələcək nəsli
də kölə edərsən...
Sən kimə
tapşırıb getmisən
məni!
Qalx! Nə yatmısan, yatdığın
yetər,
Daha nə olacaq bu gundən
betər!
İgidlik göstərəsən
savaş da bitər,
Sən kimə
tapşırıb getmisən
məni!
AĞDAMIN ADINI UCA SAXLAYIN
(ixtisarla)
Çoxdu bu həyatın eniş-yoxuşu,
Hər xalqın xoş günü, çətin
günü var.
Yenə də qayıdar Səadət quşu,
Eşidin sözümü,
ay Ağdamlılar:
Həyat gəmisini
tufan alsa da,
Tanrı dərgahına
ümid bağlayın!
Ömürdən sabaha bir gün qalsa
da,
Ağdamın adını
uca saxlayın!
Hərə örnək
olsun öz övladına,
Ötən günlərini salsın yadına.
Ləkə gətirməyin
elin adına,
Ağdamın adını
uca saxlayın!
Qoruyun bəladan
bir-birinizi,
Hiyləgər düşmənin
qırılsın dizi!
Allah arzunuza
çatdırsın sizi,
Ağdamın adını
uca saxlayın!
Uymayın fitnəyə,
felə...amandı!
Qoymayın pozula imanı, andı.
Biqeyrət, bişərəf...çətin zamandı,
Ağdamın adını
uca saxlayın!
Sizi çaşdırmasın
çalınan təbil,
Lüzumsuz yerlərdə
ötəmyin dil-dil!
Aclıq bir il gedər,
töhmətsə min il,
Ağdamın adını
uca saxlayın!
Torpaqdır xalqımın
yeganə dərdi,
Bu dərdi
çəkməyin özü
hünərdi!
Vəzifə, kreslo...gəldi gedərdi,
Ağdamın adını
uca saxlayın!
Yaxşı sınanmısız
olsanız harda,
Doğru sözünüzdə, saf
etibarda.
Ömrünüz keçsə
də şaxtada, qarda...
Ağdamın adını
uca saxlayın!
Yaltaqlıq, yarınmaq
sizlərə yaddır,
Kişilik qeyrəti
ən uca addır!
"Ya olum, ya ölüm"
qoşa qanaddır,
Ağdamın adını
uca saxlayın!
Ata-balara
olmasaq əsil,
Bizi lənətləyər
gələcək nəsil!
Ağdamsız keçsə
də ömürdən
hər il,
Ağdamın adını
uca saxlayın!
Harada olsanız
seçilmisiniz,
Od-alov içindən
keçilmisiniz!
Qeyrətdən, hünərdən
biçilmisiniz,
Ağdamın adını
uca saxlayın!
Bilirəm, çox
çətin yaşayırsınız,
Sizə nə var-dövlət...gün sayırsınız.
Görün hansı adı daşıyırsınız?!
Ağdamın adını
uca saxlayın!
Əjdər Qiyaslı
Ədalət.- 2010.- 23 iyul.- S. 4.