20 il sizinlə
Müstəqil hüquqi
qəzet kimi işıq üzü görən "Ədalət"
qəzetinin 20 yaşı tamam olur. Azərbaycanın müstəqilliyinin
yenidən bərpasının yubileyi ilə həmyaş olan
"Ədalət" qəzetinin tutduğu yol onu izləyən
hər bir oxucuya yaxşı tanışdır. Bunu "Ədalət"çiləri
təbrik üçün siyasilərimizin fikirlərindən
daha aydın başa düşmək olur. Onu da deyək ki, fəaliyyətə
başladığı ilk günlərdən tutduğu yolu
ardıcıl davam etdirən, öz ənənəsinə
sadiq qalan mətbuat orqanları arasında "Ədalət"
qəzetinin özünəməxsus yeri var.
Klassik Xalq Cəbhəsi Partiyasının sədri
Mirmahmud Mirəlioğlu:
- Millət vəkili Aqil
Abbas başda olmaqla "Ədalət" qəzetinin
yaradıcı heyətini yubiley münasibətilə təbrik
edirəm. Uğurlar, can sağlığı arzulayıram.
Ayrı-ayrı dövrlərdə oxucusunun sayının
azalıb-çoxalmasından asılı olmayaraq, hər-halda
"Ədalət" qəzeti qarşısına qoyduğu
vəzifəni yerinə yetirməyə
çalışdı. Bəzən buna nail oldu, bəzən
isə yox. Bunu bir oxucu kimi hiss edirəm. Çünki Azərbaycanda
heç bir mətbuat nümayəndəsi, heç bir kəs
arzusuna çatmayıb. Azərbaycanın ən mühüm, əsas
problemi həll olunmayıb və ona görə də hamı
nakamdır. Amma buna baxmayaraq arzu edirəm ki, "Ədalət"çilər
haqqın-ədalətin təntənəsinin baş verməsi
istiqamətində xidmətlərini davam etdirsinlər və o
günü mütləq qeyd etsinlər"
Siyasi şərhçi Eldar Namazov:
- "Ədalət"
qəzetinə çox böyük hörmətim var. Bu qəzet
Azərbaycan mediasında yeri, dəsti-xətti olan bir mətbuat
orqanı kimi qəbul olunub. Mən qəzetin əməkdaşlarını
və rəhbərlərini yubiley münasibətilə ürəkdən
təbrik edirəm".
Ana Vətən Partiyasının sədri, deputat Fəzail
Ağamalı:
- "Ədalət"
qəzeti fəaliyyətə başladığı ilk
gündən ədalətli mövqe tutdu və bu günə
kimi də hər zaman dövlətçilik mövqeyini
nümayiş etdirdi. Hadisələrə obyektiv və qərəzsiz
yanaşmağı bacardı. Xüsusi olaraq
xatırladığım odur ki, Azərbaycanın ərazi
bütövlüyü, onun suverenliyi yolundakı mübarizəyə
ən çox önəm verən qəzet olub. Azərbaycanlıları
vətənpərvərliyə səsləyən, bu ruhda vətəndaşları
tərbiyə edən bir qəzet kimi tanınıb. Sonraki dönəmlərdə
də dövlətçilik maraqlarına üstünlük
verərək, koorporativ, qrup
maraqlarından kənarda qaldı, onların fövqündə
dayandı. Bununla da bu günə kimi özünü qoruyub saxlaya bildi. 20 illik bir zaman
kəsiyində qəzeti qoruyub saxlamaq, onun simasını
müəyyənləşdirmək, həmin simanı sona qədər saxlamaq böyük şücaət tələb edir. Bu mənada "Ədalət" qəzetinin
yaradıcısı, vətənpərvər, mübariz,
demokrat Aqil Abbası təbrik
edirəm. Çünki onun
şəxsində özünü tapan məqamlar artıq qəzetdə də öz əksini tapdı və bu
günə kimi də onun
kollektivi həmin ənənəni davam etdirir. Onun kursu dəyişməyib
və mətbəxində işıq üzü
görən yazılar vətən, millət, dövlət və
onun maraqları və mənafeyi əsas
aparıcı xətt təşkil edib.
Aydınlar
Partiyasının funksioneri Qorxmaz İbrahimli: "Ədalət"
qəzetini təbrik edirəm. Çünki bu qəzet Azərbaycanın
müstəqilliyi ilə demək olar ki, yaşıddır.
"Ədalət" fəaliyyətə hüquqi-siyasi qəzet
kimi başlayıb. Azərbaycan xalqına həm hüquqi, həm
də siyasi baxımdan kifayət qədər məlumatın
verilməsində mühüm rol oynayıb. Qəzetin istər
jurnalist araşdırmaları, istərsə də ilk səhifəsində
Aqil bəyin satirik cümlələrindən başlayaraq hər
bir yazısı hər zaman oxunaqlı olub. İnanıram ki,
bu oxunaqlıq həmişə də saxlanılacaq əminəm
ki, bu gün də "Ədalət" qəzeti kifayət qədər
bacarıqlı kollektiv və rəhbərlik tərəfindən
idarə olunur
Deputat Pənah Hüseyn:
- Milli demokratik
mübarizələr, müstəqillik dönəmlərində
yeni mətbuatın formalaşması prosesində "Ədalət"
qəzetinin də yeri və əhəmiyyətli rolu olub. O
cümlədən də qəzetin təsisçisi Aqil Abbas
Azərbaycan jurnalistikasına yeni ştrixlər, xətlər
gətirən şəxs kimi tanınıb.
Demokratik İstiqlal Partiyasının sədri, deputat
Asim Mollazadə:
- "Ədalət"
qəzeti bilavasitə Azərbaycanın gözəl yazarı
Aqil Abbasın adı ilə bağlıdır. "Ədalət"
qəzeti öz ətrafında yüksək mədəniyyətə
malik olan peşəkar jurnalistləri toplayaraq çox
maraqlı bir mətbuat orqanı kimi oxucularını
davamlı şəkildə sevindirib. 20 illik yubileyi təbrik
edir, kolektivə böyük uğurlar arzu edirəm. Arzu edirəm
ki, müstəqil Azərbaycanın azad məsuliyətli,
peşəkar jurnalist ənənələrini bundan sonra da
davam etdirsinlər.
Böyük Quruluş Partiyasının
sədri, deputat Fazil Mustafa:
Orijinal mətbuat orqanı deyəndə yada düşən qəzetlərdən
biri də "Ədalət qəzeti olur. Bu qəzet öz dəsti xətti, üslübu, hətta müəyyən
mənada səhifə
formatı ilə digərlərindən fərqini
ortaya qoya bilib. Ona görə də
hesab edirəm ki, "Ədalət" qəzetinə bir qədər də tərəfsiz mətbuat anlayışını inkişaf
etdirən, bu ənənəni qoyanlardan
biri kimi baxılmalıdır. Təbii
ki, istər qəzetin yaradıcısı
və baş redaktoru Aqil Abbas, istərsə də "Ədalət"
qəzetinin təsisçisi
Adil Minbaşının
burada böyük rolu var. bu gün
də İradə xanım çox yüksək səviyyədə
həmin ənənəni
davam etdirir. Məncə,
"Ədalət" qəzeti
Azərbaycan mətbuatının
tərəfsiz ədalət
simvolu olaraq həmişə qalacaq.
Borçalı Cəmiyyətinin
sədri Zəlimxan Məmmədli: "Ədalət"
qəzeti fəaliyyətə
başladığı ilkin
dövrlərdən daha
çox hüquqi maarifləndirmə, hüququn
aliliyi, insan haqları prinsiplərinin müdafiəçisi kimi
çıxış edib.
Təbii
ki, Aqil Abbas şəxsiyyəti ilə paralel gələn, büdrəməyən,
öz prinsipləri olan, yeri gəlsə
çox "qəddar"
olan qəzetlərdən
biridir. Eyni zamanda da
"Ədalət" kifayət
qədər həlim olmağı da bacarıb. Mən orada daha çox kimisə aşağılamaq, kimisə
yüksəltmək tendensiyasını
görməmişəm. Mənə elə gəlir ki, bu iyirimi
ildə "Ədalət"
obyektiv olmağa, informasiyaları da obyektiv şəkildə verməyə çalışıb.
Sovetlərdən keçid
dövründə ola bilsin bir qədər tərəddüdlər ola
bilərdi. Amma "Ədalət" qəzetini sonrakı dönəmlərdə daha
obyektiv, qərəzsiz
qəzetlərdən hesab
etmək olar. Bu münasibətlə baş redaktoru, yaradıcısını, qəzetin
kolektivini iyrimi illik yubileyi münasibətilə təbrik
edirəm. Bu yaş həm də Milli Azadlıq
Hərəkatının yaşıdır.
Bütün millətimizə demokratik, bütöv, qüdrətli, bölünməz
Azərbaycan qurmaq yolunda uğurlar arzulayıram.
BAXCP sədrinin beynəlxalq
məsələlər üzrə
katibi Elçin Mirzəbəyli:
- "Ədalət" qəzetinin
qurucusu Aqil Abbası, baş redaktoru İradə Tuncayı və bütövlükdə kollektivi
təbrik edirəm. İyirmi
yaşın bir mətbuat orqanı üçün çox böyük mərhələ
olduğunu heç kim inkar
edə bilməz. Sirr deyil ki, "Ədalət" qəzeti
Azərbaycanda yaranan
ilk müstəqil mətbuat
orqanlarından biri olmaqla yanaşı, həm də dövlətimizin müstəqilliyi
ilə həmyaşıd
olan bir mətbuat orqanıdır.
Bu baxımdan "Ədalət"ə sadəcə
bir mətbuat orqanı kimi deyil, Azərbaycanın klassik mətbuat orqanı kimi yanaşmaq lazımdır.
Elə
ilk gündən başlayaraq,
"Ədalət" Azərbaycanın
media sektorunda tamamilə
fərqli, özünəməxsus
siması olan mətbuat orqanı kimi tanındı və həmişə ictimaiyyətin diqqətində
oldu. Mən "Ədalət"in iyrimi ildir davamlı
şəkildə izləyən
oxuculardan biriyəm.
"Ədalət" qəzetini çox böyük maraqla, sevə-sevə oxuyuram.
Orada çalışanların qələmlərinə,
istedadına çox böyük hörmətim
var. "Ədalət" qəzeti
ədalət prinsiplərini
əsas götürərək,
hadisələrə öz
spektrindən, müstəvisindən
yanaşan mətbuat orqanıdır. Ola bilər ki, "Ədalət" qəzetinin
müəyyən zaman
kəsiyində yanaşması
"Ədalət" bir
başqları üçün
ədalətsiz görünsün.
Zaman keçdikcə, həqiqətlər
üzə çıxdıqca
"Ədalət" qəzetinin
bir çox məqamlarda haqlı və ədalətli mövqe tutduğu önə çıxır.
Həm millətimiz, həm də türk dünyası ilə bağlı bir çox məsələlər
gündəmə çıxdıqda
Aqil bəyin "Bu türklər o türklərdən
deyil" yazısını
xatırlayıram. Aqil
Abbasın hər an xatırlanacaq yazıları olduqca çoxdur, sayı-hesabı
yoxdur. Bu baxımdan
Azərbaycan mətbuatında
Aqil Abbasın şəxsində ərazi
bütövlüyümüzə, millətimizə, mədəniyyətimizə
münasibətdə bir
ənənə formalaşıb.
Bu tariximizə, ərazi bütövlüyümüzə,
Dağlıq Qarabağ
problemimizə obyektiv yanaşmadır. İnsan hisslərindən,
vətənpərvərlik duyğularından qaynaqlanan
bir yanaşma tərzidir. Buna Azərbaycan mətbuatının
hər zaman ehtiyacı var. Hesab edirəm ki, "Ədalət" qəzeti
və onunla birlikdə bütövlükdə
Azərbaycan mətbuatına
yeni xətt gətirən, milli mətbuatımızı formalaşdıran
mətbuat orqanlarının
timsalında bu ənənələr davam
etdirilməlidir. Bu qəzetin Azərbaycan mətbuatında bundan sonra da öz
sözünü deyəcəyinə,
öz yolunu davam etdirəcəyinə,
yeni qələm əhlini də öz ardınca aparacağına inanıram".
Gültəkin
Ədalət.- 2010.- 24 iyul.- S. 11.