ƏLİMDƏN

Mənim qapım

daha xeyrə döyülməz,

Hər qapını açan gedər əlimdən.

Sevdiklərim üz tutulmaz,

öyülməz,

Öpən gedər, qucan gedər

əlimdən.

Bir zamanlar çiçək obam,

gül obam,

Dörd yanından vurub çıxar yel,

obam.

Atam, anam, qardaşlarım,

el-obam,

Sıralanıb, uçar gedər əlimdən.

Nə yaparsa azman yapar, dev yapar,

Bardaş qurub bu dəhnədə kef yapar.

Övladlarım cocuq yapar, ev yapar,

Köçən gedər, qaçan gedər əlimdən.

Sındırmaram əyrilərə, pislərə,

Nəyim varsa yedirərəm,

bəslərəm.

Əzizlərəm, ovudaram, süslərəm,

Durmaz yenə, bu can

gedər əlimdən.

Bu qədər ki məhkum oldum

dərdə mən,

Daha çətin qərar tutam

yerdə mən.

Kimim var ki, bir ruhumdu,

bir də mən,

O da bilməm haçan gedər

əlimdən?..

DALINCA

Hər qazancın zəkatı var,

Xərc var xərcinin dalınca.

Hərə bir bürc altda doğar,

Gedər bürcünün dalınca.

Nə xan Kərəm, nə xan Əsli,

Bom-bozmuş sevginin fəsli.

Leyli yox, küləklər əsdi,

Əsdi Məcnunun dalınca.

Bu azan səsi ərəbin,

Başında Əsir ərəbin. .

Ölüb dəvəsi ərəbin,

Düşüb xurcunun dalınca.

Ay Sarı kürkün yiyəsi,

Yoxdumu Türkün yiyəsi?

Borc verib, bir gün yiyəsi,

Gələr borcunun dalınca.

YAŞADIQCA ÖL

Nə yurdun, nə yuvan var,

Hər tərəf işıqdı, öl...

Nə haqq var, nə divan var,

Qanın bir qaşıqdı, öl...

Hərə bir oyundadı,

Püşkündə, payındadı.

Dünya öz hayındadı,

Başı qarışıqdı, öl...

Nə Şuşa, nə İrəvan,

Ay gor gəzən binəva.

Nə savaş var, nə dava,

Hələ barışıqdı, öl...

Şəbir olmaz bu boyda,

Ömür olmaz bu boyda.

Bu qamətdə, bu boyda,

Gəl bu yaraşıqda öl...

Baş at balınca yaşa,

Dön də gülühcə yaşa.

Yaşa, ölüncə yaşa,

Öl də, yaşadıqca öl.

ÇƏKİLMƏZ

Mənim bu dünyada yolum bəllidi,

Elə bəllidi ki, yolum, çakilməz.

Sağım yerindədi, solum bəllidi,

Sağım eşidilməz, solum çəkilməz.

Saydılar, seçdilər, seçimnən çəkdim,

Olmadı nizamnah, biçimnən, çəkdim.

Vallah, nə keçdisə içimdən çəkdim,

Nədən oldu belə çölum çəkilməz?

Yanar o əldə ki, Şuşa da yanar,

Toxunsa qayaya, daşa da yanar.

Harda qalxıb belə ərşa dayanar,

Çəkilməz o yerdə zülüm çəkilrnəz.

Mən hara, adam tək yaşamaq hara,

Axtar, ömür boyu elə haqq ara...

Bu gündə-dirrikdə yaşamaq haram,

Bu gündə- dirrikdə ölüm çəkilməz.

Kəmaləddin Qədim

Ədalət.- 2010.- 21 may.- S. 7.