ALLAHI KÖVRƏLTMƏ BU GECƏ
VAXTI
Niyə
ağlayırsan, ay ömrüm-günüm,
nədir qəlbindəki
bu qorxu belə?
Yoxsa səadətin yuxu
kimidir,
səni qorxudurmu bu yuxu
belə?
Allah bəxş eləyib
bizə bu eşqi,
Allah həmin
Allah, baxt həmin baxtdı,
Ayrılıq nə gəzir,
ölüm nə gəzir,
Allahı kövrəltmə
bu gecə vaxtı.
Axı məni səndən
kim ayırar, kim!?
Gözünün suyu da
aradan ötməz.
Bəsdir məni qoydun dəli
yerinə,
Ölümdən
qayıdan ölümə getməz.
Ölüm nə karədir
yaxına gəlsin,
Ürəyim sevgimin
sıxlığındadır.
Eşqinin yoxluğu
yoxdursa qorxma,
Ölümüm
eşqinin yoxluğundadır.
DİVAR SAATI HAQQINDA BALLADA
Anam, bu saat daş
salır
Hər gün
daşımın üstdən.
Bu başımla
oynayanı
Asma başımın
üstdən.
Neçə
ömürlər dolanır
Dövrəsinə
saatın.
Görən neçə
adam düşür
Övnəsinə
saatın?
Bu saatı çox qudurtduq
–
Olduq, öldük təbiynən.
Ömrümüzü hədələyir
Hələ də əqrəbiynən.
Səsi, küyü, çıkhaçıkı
Ömrü boyaboy tutur.
Günümüzə
sinə döymur,
Ömrümüzə
toy tutur.
İlişdirib əqrəbinə
göz yaşımı
aparır.
Bu
çıkhaçık həm ömrümü,
Həm başımı
aparır.
SƏNİ BELƏ BİLMƏZDİM
AY MƏNİM GÖZƏL ANAM!
Bu yolun bu üzündən
sən idin yola salan.
Bu yolun o üzündə
Gözləyir qara qəbir.
Bu yol-bu buyruq nədir?
Mənə necə
qıyırsan?
Öz əlinlə
balanı ölümlə yollayırsan?
Bir ömür yol gedəcəm,
Ölümə gedən
canam.
Səni belə bilməzdim,
Ay mənim gözəl
anam.
Gəlmişdim -
gözün aydın!
Gedirəm - gözün
aydın!
Məni sevirdin əgər,
Bətnində
saxlayaydın.
TƏKƏM, DANIŞA BİLMİRƏM
Yanır qəzəbli
yumruğum,
Hikkəm əlimdən
qayıdır.
Dərd-qəm içimə
yol tapır,
Sevinc çölümdən
qayıdır.
Küsdüm,
barışa bilmirəm.
Qoram, alışa bilmirəm.
Təkəm, danışa
bilmirəm,
Sözüm dilimdən
qayıdır.
Ölümüm
ömrümdən baha,
Acıq getməsin
Allaha.
İlham yurdsuz
yaşamır ha,
Ölür-ölümdən
qayıdır.
YOLMA SAÇLARINI, RUHUM İNCİYƏR
Yolma
saçlarını, ruhum inciyər,
Gətir əllərimlə
darıyım, ölüm.
Min şeytan
başına papaq tikmişəm,
Bir mələk işinə
yarıyım ölüm.
Ürəyim qurumaz sevgi
quyusu
"Allah"
adlandırdım eşqin çoxusun.
Bir az Allahın da hirsi
soyusun –
Bir az acı-acı
zarıyım ölüm.
Qəlbin - qəbir
yerim, gözün - tabutum...
Götür, bu sövdəyə
içək bir udum.
Bəsdir gözlərinin
yaşıynan yudun,
Di, as kirpiyindən
quruyum ölüm!
ÜRƏYİNDƏ
Çöl yaman soyuqdur
gülüm,
Yatır məni ürəyində.
Sən ümman ol, mən
bir qayıq
Batır məni ürəyində.
Dərdə yara
düşən kimi,
Qəlbə qara
düşən kimi,
Bir az dara düşən
kimi,
Atır məni ürəyində.
Ömrə, günə
bəxti tən kəs.
Bir az uzun, bir az gen kəs.
Məni səndə
axtaran kəs
Tapır məni ürəyində.
Ağıllı bil, ya
divanə
Yolum qəlbində
yubana.
Son mənzilə, son
ünvana
Çatdır məni
ürəyində.
İlham İSMİXANOĞLU
Ədalət.- 2010.- 4 noyabr.- S. 7.