KÖNLÜM

Nədən sənə bağlı oldum?

Məni, məndən alan könlüm.

Sevib qəlbi dağlı oldum,

Hey xəyala dalan könlüm.

Arzu dönüb istək olur,

Üzdə həya ismət olur.

Qəlb incisə, göz də dolur,

Hey xəyala dalan könlüm.

Qiyafə tək kəsir biçir,

Hərəyə bir tale seçir.

Gün dolanır zaman keçir,

Hey xəyala dalan könlüm.

Hər ağrıya döz deyirsən,

Əllərini üz deyirsən.

Necə deyim, düz deyirsən? –

Hey xəyala dalan könlüm.

GÖZƏL ŞƏKİ

Tarixində ürək açan,

Anların var, gözəl Şəki.

Yazda çiçəkdir dağların,

Qışında qar, gözəl Şəki.

Arxanı sıxıb dağlara,

Düşmənə vurmusan yara.

Səs-sorağın gedib hara,

Qışı-yayı gözəl Şəki.

Yurdum, səndən doymaq olmur,

Mərdlərin çox saymaq olmur.

Şəki gözdən doymaq olmur,

Qışı-yayı gözəl Şəki.

Şah damarındır "Kiş" çayı,

Soyuq bulağın yox tayı.

Qismətində dərdlik payı,

Qışı-yayı gözəl Şəki.

Keçmişindir "Xan sarayı",

Çinarların varmı sayı?

Dünyaya çatıb harayı

Qışı-yayı gözəl Şəki.

"Marxal" üstə "xan yaylağın".

Tacıdır uca dağların.

Gözəldir bütün çağların.

Qışı-yayı gözəl Şəki.

Yurdun həzin bucağısan,

Bəstəkarlar qacağısan.

Emin Sabit ocağısan.

Qışı-yayı gözəl Şəki.

Sənə doğru gedən yolda,

Zəyzid sağda, Göynük solda.

Kədər itib qoalır yolda,

Qışı-yayı gözəl Şəki.

Əyri çay sənin boynunda,

Nələr yetişir qoynunda.

Dərbənd dağın o tayında,

Qışı-yayı gözəl Şəki.

Təbiətin çox füsünkar,

Hər diyardan qonağın var.

Bir cənnətin doğma diyar,

Qışı-yayı gözəl Şəki.

Sahib KƏRİMOĞLU

Ədalət.- 2010.- 27 oktyabr.- S. 6.