XALQIN
SAĞLAMLIĞINA VƏ GƏLƏCƏYİNƏ HESABLANAN
DÖVLƏT QAYĞISI
(mövzu
əsasında II yazı)
(əvvəli ötən
sayımızda)
Əhaliyə göstərilən
səhiyyə xidmətinin
yaxşılaşdırılması üçün
respublikamızda son illərdə həyata keçirilən
mühüm tədbirlər - yeni səhiyyə müəssisələrinin
tikintisi, təmiri, inşa olunan səhiyyə müəssisələrinin
müasir avadanlıqlarla təchiz olunması, kadrların
peşəkarlığının artırılması tədbirləri
cənab Prezidentimizin daxili siyasətinin əsas prioritetlərindən
birini təşkil edir.
Təkcə 2010-cu ildə Azərbaycanda
45-dən artıq tibb müəssisəsi tikilmiş, əsaslı
təmir olunmuş və yenidən qurulmuşdur. Şəki MRX-da
yaradılmış endokrinoloji laboratoriya, Zaqatala
rayonundakı Vərəm Əleyhinə Xəstəxana, Sədərək
MRX-nın binası, Füzuli rayonu Böyük Bəhmənli
kənd tibb mərkəzi, Sumqayıt Uşaq xəstəxanasının
yeni binası, Milli Oftolmologiya Mərkəzi, Respublika
Kliniki Nevraloji Mərkəz,
Pirşağı qəsəbəsindəki yeni
səhiyyə kompleksi və digərləri
məhz keçən il inşa
olunan yeni səhiyyə
müəssisələridir.
Əhalinin sağlamlığının qorunub saxlanmasına dövlətimizin son dərəcə qayğı ilə yanaşmasını göstərən ən mühüm amil səhiyyəyə ayrılan büdcə vəsaitinin ildən-ilə artırılmasıdır. Əgər 2003-cü ildə səhiyyənin ehtiyaclarına 59 milyon manat vəsait ayrılmışdırsa, 2011-ci ildə bu rəqəm 543 milyon 373 min manat olmuşdur. Bu da son illərdə səhiyyənin büdcəsinin 8 dəfə artması deməkdir. 27 may 2011-ci il tarixli Azərbaycan Respublikası Prezidentinin "Azərbaycan Respublikasının 2011-ci il dövlət büdcəsi haqqında" Qanuna dəyişikliklər edilməsi barədə sərəncamı ilə 2011-ci ildə səhiyyə xərcləri 19 milyon 746 min manat artırılaraq 563 milyon 219 min manat olmuşdur. Ölkə rəhbərliyi tərəfindən verilmiş bu sərəncam səhiyyə işçilərinin daha səmərəli işləməsinə əlavə stimul yaradır.
Bu gün Azərbaycan səhiyyəsinin
yenidən qurulması, səhiyyə sahəsində həyata
keçirilən tədbirlərin sürətlənməsi məqsədilə
Dünya Bankının və Azərbaycan Hökumətinin
birgə layihəsi əsasında "Əhaliyə göstərilən
ilkin səhiyyə xidmətinin
yaxşılaşdırılması" layihəsi çərçivəsində
əsaslı işlər davam etdirilir.
Səhiyyə sahəsində həyata
keçirilən struktur islahatlar əsasında uzun illər
praktiki fəaliyyət göstərməyən tibb müəssisələrinin
bir hissəsi ixtisar olunmuş, mövcud çarpayı
fondları azaldılmışdır.
Bu islahatların aparılması üçün
seçilən 5 pilot rayondan
biri də Şəki rayonu
olmuşdur ki, əvvəlki
illərdə islahatlara hazırlıq mərhələsi
aparılmış, 2010-cu ildən isə faktiki
islahatların həyata keçirilməsi mərhələsi
başlanmışdır və başa
çatdırılmışdır.
100 çarpayılıq yeni xəstəxanada
işləmək üçün 7 həkim, 6 tibb
bacısı Türkiyə Respublikasında 1 aylıq kurs
keçmişlər. Bundan əlavə Baş Göynük və Bideyiz
kəndində yeni həkim məntəqəsinin
tikilməsi, daha 5 kənddə tibb məntəqəsinin tikilməsi, Doğum evinin əsaslı
təmiri, Perinatal Mərkəzin tikilməsi
nəzərdə tutulmuşdur. İslahatlar nəticəsində Göz xəstəxanası, Endokrinoloji,
Onkoloji, Narkoloji, Dəri-Zöhrəvi
Dispanseri struktur vahidləri
kimi ləğv olunmuş
və Mərkəzi Rayon Xəstəxanasının
müvafiq şöbələrinə
çevrilmişlər.
Ən vacib məqamlardan biri odur ki,
struktur-islahatlar nəticəsində tibb işçilərinin
ixtisarına yol verilməmişdir. Ötən
dövr ərzində Şəki səhiyyəsində
həm tibb müəssisələrinin maddi-texniki vəziyyəti, həm də əhaliyə
göstərilən tibbi xidmətin səviyyəsinin
yüksəldilməsi istiqamətində xeyli
işlər görülmüşdür.
Səhiyyənin kadr potensialı, tibbi
avadanlıqlarla təminatı
yaxşılaşdırılmışdır. Yeni, müasir
aparatlar gətirilmiş və xəstələrin istifadəsinə
verilmişdir.
Biz səhiyyə işçiləri
öz fəaliyyət sahələrimizdə həmişə
Şəki şəhər İcra Hakimiyyəti
Aparatının, Səhiyyə Nazirliyinin, rayon ictimaiyyətinin
diqqət və qayğısını hiss edirik.
2010-cu ildə "Talassemiyalı və
hemofiliyalı xəstələrin qan və qan preparatları
ilə təmin edilməsi Dövlət Proqramına"
uyğun olaraq səhiyyə işçiləri ilə bərabər
İcra Aparatının işçiləri, rayon ictimaiyyəti
könüllü surətdə qan vermə aksiyasında
iştirak etmişlər.
May ayının son günlərində
Z.Əliyeva adına Milli Oftolmalogiya Mərkəzinin əməkdaşları
Şəkidə xeyriyyə aksiyası keçirmişlər,
200 xəstə müayinə olunmuş, 40 nəfərin
gözlərində cərrahi əməliyyat
aparılmışdır.
Azərbaycan-Almaniya
"Vold-Med" Klinikasının həkimlərdən ibarət
briqadası yanvar ayında MRX-da "Endemik urun müalicəsi
və profilaktikası" ilə əlaqədar xeyriyyə
aksiyası keçirmişlər. Bu tədbirdən 157 xəstə
bəhrələnmiş, 15 nəfər üzərində cərrahi
müdaxilə aparılmışdır.
Səhiyyədə
yeni xidmət sahəsi - "Ailə həkimi"
Səhiyyədə aparılan reforma və struktur islahatlarından sonrakı etapda yeni tibbi xidmət sahəsi - "Ailə həkimi" yaranmışdır. "Ailə həkimi" mühüm tibbi xidmət göstərən bir sənət sahəsi olub, hətta Azərbaycan Respublikasının Milli Məclisində keçirilən müzakirələr zamanı bu sahəyə böyük önəm verilmişdir.
"Ailə həkimi" başqa
həkimlərdən fərqli olaraq əhaliyə ilkin tibbi
xidmət göstərən və ən yaxın olan bir xidmət
növüdür. Ötən il MRX-da "Ailə həkimi"
ixtisası üzrə 2 aylıq təkmilləşmə kursu keçirilmişdir.
2011-ci ildə Azərbaycan səhiyyəsində ən mühüm
hadisələrdən biri Azərbaycan
Respublikası Nazirlər Kabinetinin sərəncamı
ilə təsdiq edilmiş tibb
işçilərinin sertifikasiya tədbirinin
keçirilməsidir. Şəki MRX-da
Yunanıstan hökumətinin Azərbaycandakı səfirliyinin
maliyyə dəstəyi ilə endemik Ur xəstəliyinin laborator
üsulla müayinəsi laboratoriyası
açılmışdır.
Rayona ümumi dəyəri 250 min
manat olan 20 addan çox müasir tibbi avadanlıqlar gətirilmişdir.
Şəki MRX-nın poliklinika
şöbəsində ən müasir
"Dopler Ultrasonoqrafiya"
aparatı istifadəyə verilmişdir. Bu aparatla tibbi
xidmətin 4 istiqamətdə vacib
müayinələrin aparılması mümkünləşmişdir.
(ardı gələn sayımızda)
Məzahir
ƏHMƏDOĞLU
Azərbaycan
Respublikasının Prezidenti yanında
kütləvi informasiya vasitələrinin
inkişafına dövlət dəstəyi fondunun
maliyyə yardımı ilə
Ədalət.-2011.-2 dekabr.- S.7.