* * *

O BUNU BƏYƏNMİR,

BU ONU BƏYƏNMİR

Neçin belə yaranıb bu yazarlar görəsən,

O bunu bəyənməyir, bu onu bəyənməyir?!

Bu ona yağdırır ki, sən beləsən, eləsən,

O biri bu birinin soyunu bəyənməyir.

***

Biri yaratdığını o dərəcə sevir ki,

Nə yazmışam söyləyir hamı qızıl, zər, inci.

Bir yer var irəlidə birdən onu deyir ki:-

Gərək mən oturaydım mütləq orda birinci.

***

- O ki tamam köhnədir; təzə söyür köhnəyə,

Bu onun yasdığını, mitilini bəyənmir.

O səhnədən düşən tək, bu cumur tez səhnəyə,

Köhnə də təzəsinin stilini bəyənmir.

***

Biri deyir: O kimdir, mənəm sözün müridi,

Xudaya, bir-birini paxıllamaq azarı,

İçəridən məhv edib, içəridən çürüdüb,

Zaman-zaman nə qədər isdedadlı yazarı.

***

O buna rəqib çıxır, bu da onu daşlayır,

Bu da klassiklərin olur sənət ortağı.

Bu biri də deyir ki, hər şey məndən başlayır,

O biri də deyir ki, hər şey məndə qurtarır.

***

Bu deyir ki, dilimdə bir baxın neçə rəng var,

Ha oxuyub baxırsan, seçmək olmur onlarıg

Nə qədər acı söz var, nə qədər ki, cəfəng var.

Bu ona ünvanlayır, o buna ünvanlayır.g

***

O bunun ayağını qazıyır gündə-gündə,

Bu ona tor toxuyur iftira saplarından.

Bu onun nemətini talayır gündə-gündə,

O daima səhv gəzir bunun kitablarında.g

***

O buna qarmaq atır, bu ona tələ qurur,

O buna şər yağdırır, bu onu yamanlayırg

Bu da boy verənlərin bir-bir boynunu vurur,

Söz-sənət meydanında yerini sahmanlayır.

***

Əsrlərlə yazarlar bu cür davalardadı,

Sənətin son hakimi gələcəkdir, gələcək.

Kimin yeri burdadır, kimin yeri gordadır,

Zaman özü hamıya yerini göstərəcək.

EŞQ-MƏHƏBBƏT ÖLMƏYƏCƏK

Xalqlar üz-üzə dursa da,

eşq-məhəbbət ölməyəcəkg

Bəşəriyyət qırılsa da,

eşq-məhəbbət ölməyəcəkg

Məhəbbəti yerə basdır,

göyərib üzə çıxacaq,

Məhəbbəti məzara qoy,

məzardan səsi çıxacaq,

Poladın içində saxla,

poladı kəsib çıxacaq,

Sevən gözlər kor olsa da,

eşq-məhəbbət ölməyəcəkg

Hətta günəş qaralsa da,

eşq-məhəbbət ölməyəcəkg

Bütün ərzin yollarını

kərkədanlar kəsə belə,

Qəbilələr bir-birinin

başlarını kəssə belə,

Lap millətlər bir-birini

diri-diri yesə belə,

Ordular üzə dursa da,

eşq-məhəbbət ölməyəcəkg

Hər şey tar-mar olsa da,

eşq-məhəbbət ölməyəcəkg

Nə Leylinin, nə Məcnunun

kimsəyə kini olmayıb.

Sevənin sevgidən özgə

milləti, dini olmayır.

Qoca ərzin vallah, billah

eşqsiz günü olmayır,

Bu aləm zindan olsa da,

eşq-məhəbbət ölməyəcəkg

Hər gün ölüm-qan olsa da,

eşq-məhəbbət ölməyəcəkg

İnsan insanı duymasa

ruhu ölər, bağrı çatlar,

Yenə qardaş olacaqlar,

bir-biriylə bütün yadlar.

Məhəbbətdən aşağıdır

ədavətlər, küdurətlər,

And içirəm etiqada

eşq-məhəbbət ölməyəcəkg

Sevənə yox zaval, xata,

eşq-məhəbbət ölməyəcəkg

Ərzin vulkanları dönə

od dövrünə, köz dövrünə,

Dünya qayıda əvvəlki

su dövrünə, buz dövrünə,

Lap planet qədəm qoya

hətta insansız dövrünə,

Lap meymun əsri gəlsə də,

eşq-məhəbbət ölməyəcəkg

Dünya ölüb-dirilsə də

eşq-məhəbbət ölməyəcəkg

AMAN ALLAH,

MƏNƏ QİYMƏT VERƏNƏ BAX...

Aman Allah, aman Allah,

Mənə qiymət verənə baxg

Saxla, cəfəng sözlərini

yetər, bəsdir.

Mən bilirəm nəyim yaxşı,

nəyim pisdirg

Düşmənimdir boşboğazlar,

gəvəzələrg

Mən özümə özüm mizan, tərəziyəmg

Mən bilirəm öz yaxşımı, yamanımı,

Tərifimi, nöqsanımıg

Anam haqla bələyibdir bələyimi,

Məhəbbətlə doldurubdur ürəyimig

Ağlım bir şey kəsən gündən,

Öz-özümü zərrəbindən keçirirəm

gündən-günəg

Çörəyimə bircə dəfə haram tikə qatmamışamg

Bir günaha batmamışamg

Hey qaçmışam xeyirimdən

Bir yad nəfəs görməzsiniz

şerimdəg

Əlim heç vaxt batmayıbdır

nahaq qana,

Nə insana, nə heyvana

Bir yamanlıq etməmişəm

Əyri yola getməmişəm,

Bircə qəlbə dəyməmişəm

beca yerə,

Elə bil ki, peyğəmbərəmg

Aman Allah, aman Allah,

Səhvlərimi görənə baxg

Bəsdir, yetər, kiri, dayan,

Dayan, özüm səhvlərimi sadalayımg

Ən birinci bəlam budur

şair doğub məni anam,

Hər bir şeyə inananamg

İnananam kim nə desə,

Təmiz sözə, murdar sözəg

Daim elə inanmışam,

Yalançılar tərəfindən talanmışamg

Aldadıbdır yadlar məni, dostlar məni,

İynə boyda səmimiyyət ovsunlayıb

dərhal mənig

Dağlar boyda ümid verib mənə

xırda bir yaxşılıqg

Bir xoş niyyət, bir xoş qılıqg

Nanəciblər ürəyimə bəzən yara vursalar da,

Yenə, yenə bir nəciblik

aramışam insanlardag

Oğrularda bir doğruluq,

Gədələrdə bir ululuq,

Yoxsullarda bir zənginlik,

Qorxaqlarda döyüşgənlik,

Dinsizlərdə dindən nişan,

Məzlumlarda bir ehtişam,

Laqeydlərdə sevgi, nifrət,

Vəhşilərdə mədəniyyət,

Zülmətlərdə şölə, işıq,

Kifirlərdə bir yaraşıq,

Gözəllərdə ağıl, kamal,

Məhəbbətdə bir ideal,

Bir kədərə min-min şərik,

Bir baxışda bəşərilik,

İlahilik hər cür dində,

Əbədilik hər ölümdə,

Bir qətrədə bütöv ümman,

Aramışam, axtarmışamg

Aman Allah, aman Allah,

Mənə qiymət verənə bax,

Mənə qiymət verə bilər zaman, Allahg

AY ANA

Sənin qızın, mənim ömür yoldaşım,

Əlimizdən nə tez uçdu, ay ana?..

Heç bilmirəm bu əzrayıl mürdəşir,

Birdən niyə onu seçdi, ay ana?g

O, gedəli gücüm yox, qüdrətim yox,

Bu həyata zərrə məhəbbətim yox,

Oğullarım qalmadılar yetim, yox,

O yetimlik mənə düşdü, ay ana...

Elə bil ki, nəslimizdə talan var,

Baxışlarda gör nə boyda ələm var,

O gedəli gör nə qədər ölən var,

O gedəli köçhaköçdür, ay ana?..

Sənin saçın birdən-birə ağardı,

Mənim ömrüm viran oldu, dağıldı,

İnsan tamam əfsanədir, nağıldır,

Əvvəli heç, sonu heçdir, ay ana...

Səfurəmin anasısan - anamsan,

Sən də ona mənim kimi yanansan,

O gedəli sən də ömrü talansan,

Yaşayırsan gözü yaşlı, ay ana...

Günlərimi təklik alıb qoynuna,

İblisdir ilişmişəm oyununa,

İstər gələ yüz-yüz gəlin-qaynana,

Ocağımız daha boşdur, ay ana...

Lap mələklər xidmət edə bu evə,

Peyğəmbərlər hörmət edə bu evə,

Allah özü diqqət edə bu evə,

Səfurəsiz yenə heçdir, ay ana......

Cabir Novruz

Ədalət.-2011.-10 dekabr.- S.20.