Almaniya "Şərq Tərəfdaşlığı" proqramını dəstəklədi

"Almaniya Avropa İttifaqının "Şərq Tərəfdaşlığı" proqramını dəstəkləyir". APA-nın məlumatına görə, bu fikirləri Almaniyanın federal kansleri Anjela Merkel bəyan edib. Polşa, Fransa və Almaniya rəhbərlərinin Varşavada keçirilən görüşündə Merkel bildirib ki, bu proqram Aİ ölkələrinin qonşularla münasibətlərini dərinləşdirməyə imkan verir.

Görüşdə Avropa İttifaqının təhlükəsizlik siyasəti və "Şərq Tərəfdaşlığı" ölkələri ilə münasibətlərin inkişafı müzakirə olunub. Polşanın xarici işlər naziri Radoslav Sikorski bildirib ki, "Şərq Tərəfdaşlığı" proqramı Avropa İttifaqına üzvlük üçün yol deyil. Xatırladaq ki, Azərbaycan "Şərq Tərəfdaşlığı" proqramında iştirak edən altı ölkədən biridir.

Ədalət.- 2011.- 9 fevral.- S. 4.