NUMEROLOGİYA

YAXUD ƏDƏDLƏR HAQQINDA ELM

(əvvəli ötən şənbə saylarımızda)

PİFAQORUN RƏQƏMLİ QOROSKOPU

İnsanın taleyi

Pifaqor öz rəqəmli cədvəllərində insan təbiətinin bir çox cəhətlərini göstərmişdir. İnsanın mahiyyəti onun anadan olduğu ilin, günün, ayın tarixi ilə bağlıdır. Amma anadan olanda təbiətin bizə bəxş etdiyi qabiliyyətləri həyata keçirmək həm özümüzdən, həm də düşdüyümüz mühitdən asılıdır. Adamlar müəyyən rəqəmlərlə doğulur, onların xarakteri həmin rəqəmlərdə ifadə olunur. Siz, aşağıdakı cədvələ əsasən öz rəqəmlərinizi hesablasanız təbiətin sizə hansı qabiliyyətləri bəxş etdiyini öyrənə bilərsiz.

Məsələn, belə bir təvəllüd tarixini götürək: 29.11.1970. Gün və ay tarixlərini toplayan: 2+9+1+1=13. Anadan olduğumuz ilin rəqəmlərini toplayaq: 1+9+7=17. Alınan rəqəmləri toplayaq: 17+13=30.

30 - birinci işçi ədəddir.

Aldığımız birinci işçi ədədin rəqəmlərini (30) toplayaq: 3+0=3.

3 - ikinci işçi ədəddir. Təvəllüd gününün rəqəmlərini (1+1) iki dəfə artıraraq 30-dan çıxaq: 30-4=26.

26 - üçüncü işçi ədəddir. Üçüncü işçi ədədin rəqəmlərini toplayaq: 2+6=8.

8 - dördüncü işçi ədəddir.

Təvəllüd tarixini müəyyən edən ədədlərin birinci sətri belə olacaq: 2911197.

İkinci sətir belə olacaq: 303268.

İki sətirdə olan ədədlərin sayı 12-dir. Bu o deməkdir ki, mən Yer üzünə 12-ci dəfə gəlmişəm. Ümumiyyətlə isə, Pifaqorun təsdiq etdiyi kimi insan Yer üzünə 15 dəfə gəlir. Bundan sonra başqa ölçülərlə tamamilə fərqli şəkildə dünyaya gəlir.

Bir cədvəl çəkək, hər iki sətirdə olan eyni ədədləri cədvəlin xanalarına yazaq:

1-ci kvadrat

1- eqoistdir.

11- eqoizmə meyl edir.

111- xarakteri yaxşıdır.

1111- güclü xarakteri var.

11111- diktator, tərs və özündən razı adamdır.

111111- nadir hallarda rast gəlinir, əzazildir, amma yaxın adamı üçün mümkün olmayan şeyi eləyir. Belə adamlarla dil tapmaq çətin olur.

2-ci kvadrat (bioenergiya).

__ iki ədədinin yoxluğu bioenergiyanın olmamasını göstərir, deməli, bioenergiya kanalı intensiv enerji toplamaq üçün açıqdır. Belə adamlar köhnə şeyləri xoşlayır, ətraf adamlara qaynayıb qarışır, sanki belə adamlardan enerji alır. Tərbiyəli olurlar.

2- bioenerji həyat üçün bəs etsə də, hazırki mərhələdə kifayət deyil, ona görə də idmanla məşğul olmaq lazımdır, atmosfer dəyişikliklərinə həssasdır.

22- bioenerjiniz kifayət qədərdir, siz başqa adamları da müalicə edə bilərsiz.

222- siz yaxşı ekstrasenssiniz.

2222- əks cinsdən olan adamlar belələrini çox sevir. Əgər buraya üç altı (666) rəqəmi də əlavə olunsa, onlar sizi məharətlə yoldan çıxarar.

3-cü kvadrat (tərbiyəlilik)

__ üç ədədi yoxdur. Səliqəli və sözübütöv adamdır. Bəlağətli danışığı ilə fərqlənir.

3- hər şey belə adamların əhval-ruhiyyəsindən asılıdır, "istəsəm- eləyərəm, istəməsəm -yox" belələrinin devizidir.

33- belə adamlar elmə həvəs göstərir, riyaziyyatçı, fizik, kimyaçı olurlar.

333- olduqca elmi qabiliyyətlidirlər. Elmdə uğur qazanmasalar, pedant, həm də həddən artıq səliqəli olurlar.

4-cü kvadrat (sağlamlıq)

__ dörd ədədinin yoxluğu o deməkdir ki, həmin adam tez-tez xəstələnir.

4- belə adamlar az, əsasən qocalıqda xəstələnirlər.

44- sağlam və yüksək temperamentlidir.

444- sağlam və yüksək temperamentə ikiqat enerji də əlavə edin.

5-ci kvadrat (intuisiya)

__ beş ədədi yoxdur, deməli, bioenerji kanalı anadangəlmə bağlıdır. Belə adamlar həmişə nəsə eləmək istəyir, həmişə fikirli olur, eksperimentlər aparır, elə hey götür-qoy edirlər. Təcrübə göstərir ki, belə şəxslər çoxlu səhvlərə yol verirlər. Onlar hər şeyi çətinliklə əldə edirlər. Adətən, riyaziyyatçı və jurnalistlərlə evlənirlər.

5- bioenerji kanalı açıqdır. Belə adamlar az səhv edirlər.

55- yüksək intuisiyaya malikdir, onlar müstəntiq, hüquqşünas və s. olurlar.

555- uzaqgörəndilər, ətrafda baş verənləri yaxşı başa düşürlər. Bəzən vaxtı və məkanı qabaqlayırlar.

6-cı kvadrat (Yerə, əməyə bağlılıq)

__ altı ədədi yoxdur. Bu o deməkdir ki, insan yer üzünə gəlibsə, sənət öyrənməli, işlə məşğul olmalıdır. Amma belə adamlar fiziki əməyi sevmirlər.

6- Yerə, əməyə bağlı adamdır, ona fiziki əmək vacibdir, amma təhsil almaq barədə də fikirləşməlidir.

66- həddən artıq Yerə bağlı adamdır, ona fiziki əmək lazım deyil, amma o əməyi sevir.

666- həyəcan işarəsidir. Belə adamlar cazibədar və çox temperamentli olurlar. Kvadratında ikisi çox olan adamla onlarınkı tutur.

6666- Pifaqorun dediyi kimi insan dəfələrlə dünyaya gəlir. Belə adamlar (6666) hər dəfə dünyaya gələndə əməyə daha çox bağlanır və realist olurlar, iş onları bezdirmir, əksinə, işləməyi sevirlər.

7-ci kvadrat (istedad)

__ yeddi ədədi yoxdur, belə adamlar dünyaya gəliblər ki, sonrakı gəlişləri üçün 7 ədədi (yəni istedad) qazansınlar. Amma onu yalnızbaşqalarına qarşı həssas olmaqla qazanmaq olar. Belə adamların həyatı çox ağır keçir.

7- bacarıqlı olsa da, çox istedadlı olmurlar.

77- hərtərəfli inkişaf etdirilsə çox güclü əlamətdir. Musiqini duyur, bədii zövqü vardır, rəsm çəkə bilir. Əgər kvadratında 1 və 2 ədədləri varsa xudpəsənd olacaq, heç kimə xeyir verməyəcək. Belə adamlar tündxasiyyət olur, həm yaxşı, həm də pis cəhətləri vardır. Onun üçün açılmayan qapı yoxdur.

777- xüsusi əlamətdir. Belə adamlar ciddi maneələrlə üzləşəcəklər.

7777- həyəcan işarəsidir. Bu əlaməti olan adamlar olduqca diqqətli olmalıdırlar.

8-ci kvadrat (məsuliyyət)

__ səkkiz ədədi yoxdur, belə adamlar nəyisə alır, qaytarmağa tələsmir.

8 - bu adamlarda məsuliyyət hissi inkişaf etmiş olur.

88- çox məsuliyyətli olur, hamıya kömək etməyə çalışırlar.

888- yüksək dərəcədə inkişaf etmiş məsuliyyət deməkdir, xalqa xidmət etmək nişanəsidir.

8888- bu işarə yalnız 1988-ci ildə rast gəlinmişdir. Həmin il yüksək qabiliyyətli, dəqiq elmlərə meylli uşaqlar anadan olmuşdur.

9-cu kvadrat (ağıl)

9- belə adamlar daha bir 9 qazanmaq üçün çalışmalıdırlar.

99- anadangəlmə ağıllı olurlar, amma oxumağa həvəs göstərmirlər.

999- təbiətən ağıllı, zəkalı olurlar, hər şeydə uğur qazanırlar.

9999- bu adamlar belə bir həqiqəti başa düşürlər ki, nadir zəka hər şeydir. Onlar kobudluğu mərhəmətsizlikdən ayıra bilirlər.

Gələn şənbə sayımızda Pifaqorun uşaqların bürclərə görə xarakterləri barədə yazı dərc olunacaq.

(Ardı var)

Ədalət.- 2011.- 19 fevral.- S. 10.