DAN YERİ QIZARIR, SULAR DURULUR, İSTİQLALIMIZIN FÜTHUATLARI

Xalqımızın haqq səsi, coşğun poeziyamızın ideya silahına çevrilməsi, milli duyğularımız, bütövlüyümüzün tərənnümü, müstəmləkəçilik əleyhinə mübarizə, meydan hərəkatının etirazı və coşğunluğu, milli şüurun coşub püskürməsi, lirikasının siyasi məzmununun qeyri-adi dərəcədə zənginləşdirilməsi Xəlil Rza Ulutürk poeziyasının əbədiyaşarlığından, böyüklüyündən, alovlanmağından xəbər verir. İstiqlalçılıq təfəkkürü şair üçün sadə şüur, pafos deyildir. Mənəvi zənginlik, vətəndaşlıq qeyrəti, mübarizlik timsalı, ləyaqət və bəşəri dəyərlər, düzlük, saflıq, mərdlik həqiqət, cəsarət, cəsurluq, onun daxili təkanları, hərəkətverici qüvvələri, xarakterik keyfiyyətləri idi. Həmin təfəkkürdə eyni zamanda, dözüm, mərdlik, barışmazlıq və mübarizlik məziyyətləri, ən başlıcası isə şəxsiyyət bütövlüyü vardı. Ancaq istiqlalımızın füthuatlarından bəhrələnməyə layiq olanlar kənarda, qələbənin nemətlərindən isə ona layiq olmayan bəzi nankorlar istifadə etməkdə, bəhrələnməkdədirlər.

İndi sular durulur, adamlarımız korrupsiyaya qarşı hakimiyyət fərmanlarının həyata necə keçiriləcəyin intizarındadırlar. Hesab edirəm ki, bura istiqlalımızın füthuatlarından bəhrələnməyənlərimiz, kənarda qalanlarımız da faydalanacaqdır.

Dan yeri qızarmağdadır. Xalqımızın haqq səsi, kəskin mübarizələrimizin ideya silahına çevrilməsi, müstəqilliyimizin əbədiyaşarlığı, əmin-amanlıqdan xəbər verir. Həyatımızın bütün sahələrində aparılacaq mübarizələr təki mötəbər əllərə tapşırılsın. Çünki tərəfgörlük özü-özlüyündə ən kəskin korrupsiyadır və bu acınacaqlı millətə qarşı xalqımız döyüşdədir. Mən mərhum qardaşım Xəlil Rzanı itirdikdən sonra qələmə sarılmış, barəsində saysız-hesabsız biri-digərini tamamlayan silsilə şeirlər, nəsr yazıları çap etdirməyə nail olmuşam. Şairin itkisi ilə bağlı təsəlli tapmaq üçün yazdığım şeirlərimdən birini bu yazıma əlavə edirəm. Mövzularım bitib-tükənməzdir. Ya qismət

Fərhad Rza ULUTÜRK

Ədalət.- 2011.- 10 mart.- S. 6.