VƏTƏN BAYRAĞI

Şan şöhrətimizdir, Vətən bayrağı,

Müqəddəs, əzizdir, Vətən bayrağı,

İgid əsgərlərin başı üstündə

Şərəf yerimizdir, Vətən bayrağı.

Ey, qəhrəman ələmdarlar,

Səttar xanlar, Cavad xanlar.

Azərbaycanın özüdür

Dalğalanan bu bayraqlar.

Rəmzi ay-ulduzdur, Vətən bayrağı,

Saf qürurumuzdur, Vətən bayrağı,

Babək, Xətaidir nər Koroğludur

Şanlı soyumuzdur, Vətən bayrağı,

Dünyanın hər yerində

Bu bayrağın önündə

Əlli milyonluq bir xalq

Həmrəy olur bir gündə.

Zəfər qətirəndi, Vətən bayrağı,

Qüdrətli ələmdir, Vətən bayrağı.

Təzim et önündə and içən zaman

Çünki bir Vətəndir - Vətən bayrağı.

Səkinə Sadiq

Ədalər.- 2011.- 10 iyun.- S.7.