Çarli Çaplin - pedofil!

"Lolita"nın süjeti Hollivuddan götürülüb

Peşəsi insanları güldürmək olan səssiz kinonun 1 nömrəli aktyoru - böyük Çarlz Spenser Çaplinin FBİ-dəki (Federal Təhqiqat Bürosu) dosyesindən belə anlaşılır ki, o, dəfələrlə pedofiliyaya görə məsuliyyətə cəlb olunub. Və görünür, məhz o, Vladimir Nabokovun "Lolita"sındakı Qumbert Qumbertin prototipi olub.

Buna qədər hesab olunurdu ki, məşhur məzhəkəçinin ABŞ rəsmilərinin gözündən salan onun solçu baxışlarıdır. Əslində isə hakimiyyət nümayəndələrini narahat edən böyük Çaplinin kiçik qızlara olan maniakal marağı idi.

Bir diqqət edin: Çaplinin ilk arvadı Mildred Harris 17 yaşındaykən ona ərə gedib. Lita Qrey (Lolita Geyz adıyla görün necə də səsləşir!) cəmi 15 yaşında ikən yoldan çıxarılıb.

Və Litanın sözlərinə görə, onunla evli olarkən də Çaplin başqa azyaşlılarla ona xəyanət edirmiş.

Komikin digər arvadı Una O""Nil isə aktyorun evinə 16 yaşında gəlin köçüb...

***

O dövrdə Hollivud övladlarını ekranda görmək istəyən valideynlər və kino ulduzu eşqiylə yaşayan gənc qızlarla qaynayıb daşırdı. Və neçə-neçə iddialı qız əvvəlcə səssiz, sonrasa səsli kinoda xarüqələr yaradan Çarli Çaplinin yatağından keçməklə böyük kinoya vəsiqə qazanırdı.

Bu, çılpaq həqiqətdir. Və Lita Qrey onlardan yalnız biriydi. Onun Çaplinlə çəkiliş meydanında başlayan romanı məhkəmə çəkişməsi və iddiaçının xeyrinə 650 dollarlıq cərimə və nikahla tamamlandı. Bütün bu həngamənin başında isə Litanın anası dururdu.

***

Beləliklə, "Lolita"dakı Qumber Qumbertlə Çali Çaplin oxşarlığı!

Hər ikisi ABŞ boyu öz sevgililərilə səyahətlər edirmiş. Hətta gecələdikləri otellər də eynidir.

1954-də Birləşmiş Ştatlardan biryolluq qovulmuş Çaplin İsveçrədə, Veve şəhərciyində məskən salır. Elə həmin ildə Vladimir Nabokov Montreyə gələrək "Lolita"nı yazmağa başlayıb.

Bioqrafik "Çarli Çaplin və onun dövrü" kitabında Kennet Linn - Vaşinqtondakı Con Hopkins Universitetinin professoru aktyorun pedofilliyini təsdiqləyən onlarla fakt toplayıb. Onun kitabında Çaplinin dostu Harri Kroker də şahidlik edir ki, çəkilişlər zamanı məşhur aktyorun on yaşlı qızla yaxınlıq etdiyini şəxsən görüb.

"Hollivud Babili" əsərinin müəllifi Kennet Ancer də bu fikirləri təsdiqləyir. Onun yazdığına görə, təkcə Çaplin deyil, Hollivudun bir çox tanınmışları pedofil imiş. Məsələn, "Paramaunt"un sahiblərindən biri Uilyam Desmond Teylor, rejissor Erik fon Ştrogeym... və nəhayət, Roman Polanski.

Deməli, Nabokovun "Lolita"sndakı personajın prototipləri düşünüləndən də çoxumuş.

Ədalət.-2011.-20 oktyabr.-S.8.