Qızıl
payız Masallıda
Ancaq
onun da öz qayğıları var
İnsan qəlbində qəribə
duyğular yaradan payızın ilk ayı arxada qaldı.
Havaların bir qədər də soyuması ağacların
saralmış yarpaqları ilə həmahəngdir. Hər
gün dağlar daha çox dumana bürünür,
çayların səsi aydın eşidilir.
Bakı-Astara şossesinin 232
kilometrliyində yerləşən Masallı rayonu təbiətinə
və relyefinə görə ölkənin ən füsunkar məkanlarından
biridir. Talış dağlarının ətəklərində
yerləşən Masallı, həm də Xəzərin
laylalarına qulaq asır. Ara kəndləri ilə bərabər
dağların qoynunda məskunlaşan əhali də öz
ruzilərini torpaqdan çıxarmağa
çalışırlar. İnsafən, pis də
yaşamırlar, elə rayona gələn müsafirlər ilk
baxışdan bunu aydınca görə bilərlər.
Bir-birindən gözəl, yaraşıqlı evlər, səliqəli
bağçalar buna əyani sübutdur.
2011-ci ildə Masallıda 11 min
hektara yaxın ərazidə taxıl əkilmişdirsə, gələn
il bu rəqəm daha 355 hektar artırılacaq. Gələcək
məhsulun keyfiyyətli və məhsuldar olması
üçün rayonda "Azərtoxum" fondu
yaradılıb. Hazırda rayonun ən böyük əkin sahələrinə
malik Təklə, Xırmandalı, Kalinovka, Yeddioymaq,
Bambaşı ərazilərində səpin daha sürətlə
aparır.
Bu ilin onuncu ayının sonuna kimi artıq rayonda 11300 hektara yaxın şum vurulmuşdur. 8 min hektar ərazidə payızlıq əkin aparılmış, 7500 hektar sahədə isə taxıl əkini artıq yekunlaşmışdır.
Beləliklə,
yolumuz Yeddioymaq kəndinədir.
Yeddioymaq ərazisi 3 kəndi - I və II Yeddioymaq,
Qasımlı kəndlərini əhatə edir. Dediyimiz kimi
masallılıların həyat şəraiti elə kəndin
yollarından, bir-birindən yaraşıqlı evlərindən
bilinir - Yeddioymaqda olduğu kimi. 5370 nəfər əhalisi olan
bu kəndin əsas məşğuliyyəti əkinçilik
və heyvandarlıqdır. Yeni asfalt salınmış yol da
sakinlərin rahatlığına xidmət edir.
Kənd sakinləri ilə söhbətdən
belə məlum olur ki, indi payız işlərinin
qızğın çağıdır. Artıq 300 hektar ərazidə
buğda, 150 hektar ərazidə isə arpa əkini başa
çatdırılmışdır. Yeddioymaqlılar
mal-qaraları üçün 10 hektar yonca əkinini də
unutmamışlar, 30 hektar ərazidə isə vələmir əkinini
yekunlaşdırmışlar. Hava şəraitinin
yaxşı keçməsindən istifadə edən kənd əməkçiləri
500 hektar şum vurmalarına baxmayaraq sürəti azaltmaq
fikrində deyillər.
Elmə, təhsilə xüsusi
önəm verən yeddioymaqlılar burda fəaliyyət
göstərən 3 tam orta məktəbin ikisini yeniləri ilə
əvəz etmişlər. Kənd sakinlərinə müasir
tipli 2 ATS, 1 bankomat xidmət göstərir.
Münbit torpaqlarda yaşayan bu kəndin
ixtiyarında olan 900 hektar əkinə yararlı sahə bu
gün payız qayğıları ilə yaşayır. Bu
qayğılarla yaşayan və əlləri torpaqdan soyumayan Bambaşı
ərazisi də Masallının abad kəndlərindəndir. Bambaşı kəndi də, daha
dəqiq, bu ərazi vahidliyi
də özündə 4 kəndi - Bambaşı, Böyük Xocavar, Binə
Xocavar və Kosakül
kəndlərini birləşdirir. 6980 nəfər əhalisi olan Bambaşıda da yerli sakinlər kənd təsərrüfatı
ilə məşğuldur. Mal-qara
saxlamağı unutmayan
bambaşılılar rayonun iqtisadi həyatında həmişə öz sözlərini demişlər. Bu kənddə fəaliyyət göstərən
2 Yol Tikinti İstehsalat Şirkətinin işi
həmin andaca görülməkdədir,
kəndarası yollar, səkilər burda daha geniş,
daha rahatdır.
Masallı rayon İcra Hakimiyyətinin
Bambaşı kənd üzrə ərazi nümayəndəsi
Hörmət Balakişiyev də öz el-obası haqqında
ürəklə danışır:
- Kəndlinin əsas
dolanacağı əkin-tikin,
mal-qaradır. Bu payız
kəndlərimizdə 400 hektar
sahədə şum aparılacaq. Artıq bu işlərin
xeyli hissəsi görülüb də.
Fikrimiz var ki, 270 hektar
ərazidə taxıl
səpini aparaq. Bu işin xeyli
hissəsi artıq başa çatmışdır.
İndiyə kimi 180 hektar
ərazidə buğda,
50 hektar sahədə isə arpa səpini
artıq yekunlaşmışdır.
Son 2 ildə bu ərazidə 1 müasir tipli məktəb binası, 1 feldşer-mama məntəqəsi və
1 poçt binası tikilib sakinlərin ixtiyarına verilmişdir.
Bu ilin oktyabr
ayından Binə Xocavar kəndində elektron tipli yeni ATS kənd sakinlərinə xidmət
edir. Burda İstehsalatın digər sahələri də kifayət qədər inkişaf etdirilmişdir. Kəndlərimizdə 1 yanacaqdoldurma, 1 maye qazdoldurma məntəqəsi,
2 kərpic sexi də sakinlərimizin maddi rifahının yaxşılaşdırılmasına xidmət edir. Müxtəlif illərdə fəaliyyətə
başlayan 6 mebel sexində onlarla kənd sakini çalışır.
Ərazimizdəki
Tikinti Şirkətlərinin
kəndlərimizə böyük
köməyini həmişə
hiss etmişik. 3 kilometrdən artıq kəndarası yola çınqıl döşənmiş,
500 metr yola asfalt salınmışdır.
3 körpü təmir edilmiş, 3 kilometr suaparıcı kanal tullantılardan təmizlənmişdir. Bütün bunlar
və deyə bilmədiyim digər işlər ancaq 2011-ci ildə həyata keçirilmişdir. Elə başa
düşdüm ki, Bambaşı haqqında müəyyən təəssürat
yarada bildim.
Əlbəttə, regionlarımız haqqında bunları eşitmək və görmək çox sevindirici haldır. Ancaq Masallı haqqında danışanda
burda
Turizmin inkişafı nı unutmaq
günah olardı. Çünki bu rayonda 31 turizm
müəssisəsi fəaliyyət
göstərir ki, artıq bunlardan 26 obyektin lisenziyası vardır. Çox gözəl və
rahat istirahət guşələri olan Masallıda eyni vaxtda 1100-dən çox müsafir dincələ bilər. Onlardan bir çoxu
rayonun ən böyük kədlərindən
olan Qəriblər kəndinin ərazisində
yerləşir. Kifayət qədər
iqtisadi potensialı olan bu kənd
insanların mənəvi
dünyasında da önəmli yer tutur. 14 oktyabr 2011-ci ildə Masallı şəhərinin mərkəzindəki
"Bayraq Meydanı"nda
Müstəqilliyimizin 20 İlliyi
və "Turizm ili" çərçivəsində
turizm sərgisində
də Qəriblər kəndi öz sözünü demişdir.
2011-ci ilin 9 ayı ərzində Masallıya turistlərin axını məhz nümunəvi xidmətə görə xeyli çoxalmışdır.
14300 nəfərə çatan bu qonaqların 500 nəfəri
müxtəlif xarici ölkələrdən gələnlər
olmuşdur. Bu müsafirlər
cənub bölgəsinin
əsrarəngiz təbiəti,
qonaqpərvərliyi ilə
bərabər onların
zəngin mətbəx
mədəniyyəti ilə
də tanış
olmuşlar.
Qızıl payızın xəzan
vaxtıdır, istirahət mərkəzlərində sakitlik
olsa da, Masallı təsərrüfatlarında
qızğın iş gedir. Çünki sabahın ruzisi bu
gün torpağa əkilir.
Səxavət
Məmmədli,
Azərbaycan
Respublikasının
Prezidenti
yanında kütləvi informasiya
vasitələrinin
inkişafına dövlət dəstəyi
fondunun
maliyyə yardımı ilə
Ədalət.-2011.-26
oktyabr.- S.7.