NUMEROLOGİYA,
YAXUD ƏDƏDLƏR HAQQINDA ELM
(əvvəli
ötən şənbə
sayımızda)
AD RƏQƏMLƏRİ
Numerologiyada hər
adın öz vibrasiya rəqəmi vardır, bu rəqəm həmin
adda olan hərflərin rəqəmə çevrilməsi yolu
ilə əldə edilir. Alınan rəqəm sonadək sadələşdirilir.
Adın rəqəmi - insan şəxsiyyətinin təzahürü,
onun səy və nailiyyətlərinin açarıdır. O
ya doğum tarixi ilə üst-ütə düşməli, ya
da ona uyğunlaşmalıdır. İnsan şəxsiyyətinin
inkişafında təbii meyl və təsirlər ona görə
zəruridir ki, şan-şöhrət qazananda ad onun
bütün qüdrətini və əsl xarakterini ifadə
etsin. Əgər insanın adı onun xarakteri ilə uyğun
gəlirsə, bu yaxşıdır, uyğun gəlmirsə,
yaxud ziddirsə- pisdir.
1 2 3 4 5 6 7 8 9
A B C Ç D E Ə F G
Ğ H X I İ J K Q L
M N O Ö P R S Ş T
U Ü V Y Z
1 rəqəmi
Yüksək şəxsiyyət,
şöhrət və
qüdrət simvoludur.
Ayın 1-də doğulan
adam bu cəhətlərə
riayət etməli, yolunu heç vaxt dəyişməməli,
həmçinin vaxtından
əvvəl iş görməyə tələsməməlidir.
O hər şeyi özü, həm də tədricən qazanır. Eqoizm və tamahkarlıqdan, özbaşınalıq və
xudbinlikdən qaçmalıdır.
Tədbirli olmalı, öz maraqlarını başqalarının marağı
ilə uyğunlaşdırmalıdır
ki, aralarında münaqişə yaranmasın,
yoxsa dostlarını itirə, düşmən
qazana bilər. 1 güclü rəqəmdir,
çox şey vəd edir, göstərişlərinə əməl
etsən səni yüksək tərəqqi
gözləyir.
Ad rəqəmi
kimi, 1- şəxsiyyət,
güclü enerji və hərəkət deməkdir. 1 daha çox fəaliyyət zamanı, hazırki anda, qəfil və gözlənilməz
məqamlara təsir edir. Riskli işlər
və sərfəli bizneslə məşğul
olmağı qəti zidd hesab edir.
Ən yaxşısı
- tapşırılan işi
icra etməkdir. 1 rəqəmi öz güc və imkanlarına inam, həmçinin cəsarət
deməkdir. Amma belə adamların naturası yaradıcı olmaqdan çox, təqlidçidir. Pulu həm yaxşı qazanır, həm də bacarıqla xərcləyirlər. Tələsik
qərarlar qəbul etmək olmaz.
2 rəqəmi
Doğum tarixi kimi, 2 - əhval-ruhiyyədə,
davranışda, hərəkətdə
tarazlıq deməkdir,
xarakterin yumşaqlığı,
kompromis axtarışı,
sərt və kəskin vəziyyətləri
aradan qaldırmaq meyli, deməkdir. Daxili ziddiyyətlər, sonsuz götür-qoy, həmişə hamıya
məsləhət vermək
adəti ona öz işlərini həll etməyə mane olur. 2 rəqəmi - antiteza, ziddiyyətlərin
tarazlığı, kontrastdır.
İşıq və
zülmət, yaxşılıq
və pislik, soyuq və isti,
var-dövlət və
yoxsulluq, həyat və ölüm deməkdir. Belə adamlar şəraiti necə var, elə qəbul etməli, vəziyyətlə
barışmalı, ona
uyğunlaşmalıdırlar. İfratçılıqdan, hər
cür inamsızlıqdan,
hədsiz xeyrxahlıqdan
qaçmalı, təkcə
başqaları haqqında
deyil, özü haqqında da düşünməlidir. Onlar
yaxşı məsləhətçi
olur, icraçı yox. Onların mütləq partnyoru, yoldaşları olmalıdır,
onları seçəndə
isə qoy hisslə yox, ağılla hərəkət
etsinlər.
Ad rəqəmi
kimi, 2- dəyişkən
xarakterin, insanı inamsızlığa və
hətta fatalizmə gətirib çıxaran emosional və daxili narahatlığın
simvoludur. Hər xırda, əhəmiyyətsiz
şeyə görə
əsəbiləşmək, mübahisə və qalmaqal salmaq olmaz. Dost-tanışlarla əlbir iş daha çox fayda verər.
3 rəqəmi
Doğum tarixi kimi, 3- digər rəqəmlərdən çevikdir,
iti və intuitiv ağıl, bilikləri cəld və asanlıqla mənimsəmək bacarığı
ona erkən yaşlardan öz qabiliyyətini üzə çıxarmağa imkan verir. İstedadlıdır,
amma təklikdə istedadını tam göstərə
bilmir, çünki məqsədinə çatmaq
üçün yüngül
və asan yollar arayır. Mənfəət gətirən
hər şeyə uyğunlaşmağa çalışır.
Adi həyatı ciddi qəbul etmir. Ona maraqlı
adamlar, yüngül, daimi əyləncələr
lazımdır. O yalnız
bu günlə yaşayır. Gələcək
onu düşündürmür.
İşini düz qursa, uzağa gedə bilər, çünki öz gücünə inanır,
işini bilir. Amma təbiətən səbirsiz, yüngül və asan işlərə
meylli olması, həmçinin ötəri
uğurlar daha əlverişli və perspektivli sahəyə keçməkdə ona
mane ola bilər.
Ad rəqəmi
kimi, 3- istedad, hərtərəfli qabiliyyət
deməkdir, elm, incəsənət
və idmandır, insanın sevdiyi sənət və hobbidir. Əgər belə adam faydalı məsləhətləri
qəbul edib sənət-peşə seçməkdə
ağıllı hərəkət
etsə, uğur və şöhrət qazana bilər.
4 rəqəmi
Doğum tarixi kimi, 4-
sabit, əməksevər, təbiətən ehtiyatlı, riskli
işlərə girişməyən adamdır. Bacarıqlıdır,
ideya və planları ilə bütün işlərini
özü görmək istəyir, məsləhət
almağı sevmir. Devizi - etibarlılıq, möhkəmlik,
düzlükdür. Onu aldatmaq olmaz, özü də
özünü aldatmamalıdır. Əgər bu adamın həyatda
məqsədi kiçik, tələbləri cüzidirsə,
onda 4 rəqəmi ona yoxsulluq və məğlubiyyət gətirə
bilər. Eyni zamanda, bu rəqəm adamlara müxtəlif
ixtisaslarda bilik və peşəkar vərdişlərini
inkişaf etdirmək üçün möhkəm əsas
verir.
Ad rəqəmi kimi, 4-
elm və texnika, xüsusən, sənaye sahəsində
uğur gətirir. Etibarlılıq, sabitlik, vicdanlılıq,
dostluq və hörmət deməkdir. Belə adam ekstremal şəraitdə
daha çox fayda verir, onun xarakterinin ən yaxşı cəhətləri
məhz çətin vəziyyətlərdə
açılır. Bunu qiymətləndirməmək olmaz.
5 rəqəmi
Doğum tarixi kimi, 5- sərgüzəşt
və riskli işləri sevən, həmişə qeyri-adi
şeylərə meyl edən şəxsin həyata
keçmiş entuziazmı, istəyidir. Belə adamlar həmişə
hərəkətdə olur, səfər və səyahətlərə
çıxır, hər yerdə özlərini evdəki kimi
hiss edirlər. Onlar xarici dilləri tez öyrənir, başqa
xalqların adət-ənənələrini asanlıqla mənimsəyirlər.
Gözlənilməz nəticələr verən qəfil və
anlaşılmaz hərəkətlər edirlər. Amma hər
dəfə sudan quru çıxırlar. Hazırcavab və
iti ağılları, şən xasiyyətləri onları
darda qoymur. Tez-tez dəyişən maraqları vacib olanı
qiymətləndirməkdə, real perspektivləri görməkdə
onlara mane olur. Yalnız irəli baxır, əllərində
olan imkanı da görmürlər.
Ad rəqəmi kimi, 5- mənəvi
azadlığı və hərəkət müstəqilliyini
göstərir. Belə adamlar kənar məsləhət əvəzinə
özlərinin qazandığı təcrübəyə
üstünlük verir. Qəlbən narahatdırlar, səfər
və səyahəti xoşlayırlar. Əgər bu enerji
gündəlik əməyə sərf olunsa, çox məhsuldar
nəticə alınar. 5 rəqəmi həm də fəlsəfi
düşüncə tərzindən, bəzən də
gözlənilməz xoş nəticələrdən xəbər
verir.
(Ardı var)
Ədalət.- 2011.- 29 yanvar.- S. 10.